Saturday, October 15, 2016

சிகரம் பாரதி 11/50

வணக்கம் வலைத்தள வாசகர்களே!  

2016.10.13

வர வர இந்த திரைப்பட விமர்சகர்களின் தொல்லை தாங்க முடியவில்லை. திரைப்படம் வெளிவந்து அரை மணி நேரத்தில் செம மொக்கை என்கிறார்கள், ஆகா ஓகோ என்கிறார்கள். இந்த அலப்பறைகளை நம்மவர்கள் பேஸ்புக்கில் பார்த்துவிட்டுத்தான் படத்தை பார்ப்பதா இல்லையா என்று முடிவு செய்கிறார்கள். இந்த அநியாயத்தைக் கேட்க ஆளில்லையா என்றுதான் கேட்கத் தோன்றுகிறது. முழுக்கதையையும் சொல்லி விட்டு மீதியை திரையில் பாருங்கள் என்கிறார்கள். இந்த மாதிரியான விமர்சனங்களால் ரசிகர்களின் ரசனை பாதிக்கப்படுகிறது. திரையரங்கில் படத்தின் ஒவ்வொரு காட்சியைப் பார்க்கும் போதும் இந்த விமர்சனங்கள் நினைவுக்கு வந்து தொலைக்கும். ரசிகன் திரைப்படத்தை தடையின்றி ரசிக்க வேண்டுமானால் திரைப்படங்கள் வெளியாகி 100 நாட்களுக்கு விமர்சனம் வெளியிடத் தடை என்று அறிவித்தால் தான் முடியும் போல!

2016.10.14

'Unstoppable' - ஆங்கிலத் திரைப்படம். 'தொடரி' தமிழ்த் திரைப்படம் இதில் இருந்து தான் உருவானது அல்லது கதை களவாடப்பட்டது. இன்று இந்தத் திரைப்படத்தை இணையத்தில் தரவிறக்கிப் பார்த்தேன். 'தொடரி' என் கைப்பேசியில் உள்ளது. அதையும் பார்த்துவிட்டு விரிவாக எழுதுகிறேன். 

2016.10.15



விஜய் டிவி யில் 'நண்பன்' திரைப்படம். எனக்கு மிகவும் பிடித்த திரைப்படம். 'சாட்டை' மற்றும் ' அப்பா' போன்ற திரைப்படங்களின் வரிசையில் 'நண்பன்' திரைப்படத்தையும் வைக்கலாம். நடிகர் விஜய்யின் திரைப்படங்களில் மிகச் சிறந்த படங்களுள் இதுவும் ஒன்று. அண்மைக்காலமாக பல குப்பைகளில் நடித்து வரும் விஜய்யின் திரைப்படப் பட்டியலுக்கு இது அழகு சேர்க்கும். கல்விக்கு புது இலக்கணம் வகுத்த படங்களில் குறிப்பிட்டுக் கூறக் கூடிய திரைப்படம் இதுவாகும். ஷங்கரின் இயக்கத்தில் இப்படி ஒரு படமா என்று ஆச்சரியப்பட வைக்கிறது. 'நண்பன்' - நமது நண்பன்!

No comments:

Post a Comment

Related Posts Plugin for WordPress, Blogger...

கருத்து கந்தசாமி முகப்பலகை

பிடிச்சிருந்தா பகிரலாமே?