Tuesday, 23 October 2012

நட்சத்திர நிலவுகள்

என் வானில்
நிலவு கூட 
நிலையாக இருப்பதில்லை 

அடிக்கடி 
தன் உருவத்தை 
மாற்றி மாற்றிக் காட்டி 
என்னை ஏய்க்கின்றது 

கற்பனைகளில் கூட 
கண்கட்டி வித்தை 
காட்டுகின்றது 

அது போலத்தான் 
அழுகையும் சிரிப்பும் 
அவ்வப்போது 
என்னுள் மாறி மாறி 
வருகின்றன 


அடிக்கடி 
நட்சத்திரங்களின் 
நவரசம் காட்டி 
மின்னி மறையும் 
நிலவுகளாய்.......

என்னுடைய 
உறங்கும் இரவுகளில் 
கை விளக்குகளுடன் 
நிலவொளியில் 
ஆடிப்பாடியபடி பலர்.....

அவர்களின் கை 
விளக்குகளைப் 
போன்றவைதான் 
எனது நிலவுகளும் 

என் அனுமதியின்றியே 
களவாடப்படும்!


ஒன்றல்ல இரண்டல்ல 
என் கற்பனை 
வானத்தில் 
ஆயிரமாயிரம் நிலவுகள் 
உலாப் போகின்றன 
சில சமயங்களில்......


இல்லை 
அடிக்கடி அவற்றுள் 
சில நிலவுகள் 
உதிர்ந்து விடுகின்றன 

தீர்ந்து போன 
நட்சத்திரங்களைப் போல.....


இன்னும் சில நிலவுகள் 
மின்னி மின்னி 
மறைவதும் ஒளிர்வதுமாய் 
விளையாட்டுக் கட்டுகின்றன 

எவ்வாறாயினும் 
என் வாழ்க்கையும் 
மின்னும் நட்சத்திர 
நிலவுகளாக..........

எனது இக்கவிதை இலங்கையின் பிரபல நாளிதழான "தினகரன்" இல் 18.07.2010 அன்று வெளியானது.

Saturday, 20 October 2012

வணக்கம் வலைத்தளம்-02

"சிகரம்" வலைத்தள வாசக உள்ளங்கள் அனைவருக்கும் மீண்டும் ஒரு தடவை அன்பான வணக்கங்கள். 'எங்கடா ஆளையே காணோமே'ன்னு நீங்கல்லாம் யோசிச்சிருப்பீங்க. மனுசன்னா ஆயிரத்தெட்டு சிக்கல், பிக்கல், புடுங்கல் அப்படின்னு இருக்கத் தானே செய்யும்? அதுல ஒன்னுல அகப்பட்டவன் தானுங்க. இப்போதான் விடுதலை கிடைச்சிருக்கு. இனி எப்போதும் போல "சிகரம்" உங்களோட தொடர்ந்து இருக்கும். இவ்வளவு நாள் உங்களையெல்லாம் விட்டுப் பிரிஞ்சிருந்ததுக்கு மனசார மன்னிப்புக் கேட்டுக்குறேன். மன்னிப்பீங்கங்குற நம்பிக்கை இருந்ததால தான் வலைத்தளப் பக்கம் திருப்பியும் தைரியமா வந்திருக்கேன். மன்னிப்பீங்களா?

கல்யாண வைபோகம் 
என்னங்க? "கல்யாண வைபோகம்"னு சொன்னதுமே அடிக்க வர்றீங்க? சரி...... சரி... உங்க மனசு எனக்குப் புரியுது. இன்னும் சில நாட்களுக்குள்ள "கல்யாண வைபோகம்" மீண்டும் விட்ட இடத்துல இருந்து தொடரும். இப்ப சரியா? நேர நெருக்கடி காரணமாக கதையை எழுத நேரம் கிடைக்கவில்லை. இப்போது தான் கதையை தயார் செய்து கொண்டிருக்கிறேன்.

மிக விரைவில்..........
உங்கள் அபிமான "சிகரம்" வலைத்தளத்தில்.........
"கல்யாண வைபோகம்" - குறு [வலை] நாவல் - 09
எதிர் பாருங்கள்..........!

மீண்டும் சந்திப்போம் உள்ளங்களே!
Related Posts Plugin for WordPress, Blogger...

கருத்து கந்தசாமி முகப்பலகை

பிரபல பதிவுகள்

Featured post

சிகரத்துடன் சில நிமிடங்கள்: பத்துக்கேள்விகள் - முத்துப்பதில்கள்!

சிகரத்துடன் சில நிமிடங்கள்: பத்துக்கேள்விகள் - முத்துப்பதில்கள்!  'சிகரம்' இணையத்தளத்தின் வழியாக வாசகர்கள், நண்பர்கள் அனைவரிடம...