first Note | முதற் குறிப்பு

அருமறை குறளைக்கற்று அதுதரும் பொருளைப்பெற்று நெறிமிகு வழியில்நின்று நிலத்தினில் வாழ்தல்நன்று  மனைவியும் மக்களோடும் மனதினி உறவினோடும் மதியுரை நண்பரோடும் மகிழ்வுடன் வாழ்தல்வேண்டும்  அளவிலாப் பொருளைப்பெற்று அளவுடன் செலவுசெய்து வளமிகுப் பெருமையோடு  வாழ்கநீர் நீடுவாழ்க! *** நெஞ்சம்நிறைந்த வாழ்த்துகளுடன்...  மானம்பாடி புண்ணியமூர்த்தி  குறள்நெறி வாழ்வீர்!  https://newsigaram.blogspot.com/2018/10/kural-neri-vaalveer.html  #திருக்குறள் #வாழ்க்கை #வழிகாட்டி #அனுபவம் #உண்மை #குறள்நெறி #உறவுகள் #தமிழ் #வலைத்தளம் #வள்ளுவர் #எண்ணம் #சிகரம் 

கவிஞர் கண்ணதாசன் அவர்கள் மறைந்த நாளில் என்னால் எழுதப்பட்டு இதுவரை என்னிடமே இருந்துவரும் கண்ணீர் அஞ்சலி (1981-2018) 37 ஆண்டுகளுக்குப் பிறகு உங்கள் பார்வைக்கு! **** கவிதைமழை பொழிந்து வந்த கவிஞர்கோவே கண்ணபிரான் பற்றுமிக்கக் கண்ணதாசா -நீ காலனுடன் சென்றுவிட்ட செய்திகேட்டுக் கலங்குதய்யா எந்தனுள்ளம் கரையுதைய்யா! அழகுதமிழ் மலராலே பாத்தொடுத்து அவனியெலாம் மணம்பரப்பத் தந்தவேந்தே பழகுதமிழ் வார்த்தையெலாம் நீ மறந்து பறந்துவிட்ட கொடுமைகண்டு பதைக்குதய்யா! தாலாட்டுப் பாடல்முதல் சாவின் எல்லை  வேக்காட்டில் வேகும்வரைப் பாடல்தந்தாய் வித்தகனே தத்துவத்தின்  எல்லைக்கோடே விழியிரண்டும் கண்ணீரில் மூழ்குதய்யா! விடுகின்றமூச்செல்லாம் கவிதையாக்கும் வித்தையினைக் கற்றவனே கண்ணதாசா நெடுமூச்சை உள்ளடக்கி நிலத்தின்மீதே விழிமூடிப் படுத்தனையோ எங்கள்நேசா! கண்ணனுக்கே மரணமென்றால் கலங்கமாட்டேன் கண்ணதாசன் பிரிவதென்றால் தாங்கமாட்டேன் எனச்சொல்லி இருந்தேனே இனியதேனே என்நெஞ்சை ஏனய்யா நெருப்பால் சுட்டாய்! கவித்திற...

குறளும் கவியும் | உயரத்தில் எச்சரிக்கை! அதிகாரம் 96 குடிமை  ***** குடிப்பிறந்தார் கண்விளங்கும் குற்றம் விசும்பின்  மதிக்கண் மறுப்போல் உயர்ந்து (குறள் 957) **** உயரத்தில் எச்சரிக்கை! *** பதவிகள் உயரும் போது பண்புகள்  உயர்தல் வேண்டும் நிலைதனில் வளரும் போது நிச்சயம்  கவனம் வேண்டும், எந்தவோர் புகழு மில்லார் எவ்வகை இழிந்தோ ரேனும் தெருவுக்குள் தெரியு மல்லால் தேசத்தோர் அறிய மாட்டார், நல்லதோர் குடிப் பிறந்து நாட்டுக்குத் தலைவனாக உள்ளவர் தவறு செய்தால்  உலகெலாம்  தெரிய லாகும், விளக்கிலே கரி இருந்தால்  வீட்டுளோர் அறியக் கூடும்  நிலவினில் கருமை யிந்த நிலத்துளோர் அறிய நேரும், புகழதின் உச்சி தன்னில் பெருமையாய் உள்ள நீங்கள் தவறுகள்  நேரா வண்ணம்  தற்காப்பு  செய்க வென்றான்! ***** வள்ளுவச்செல்வர்  கவிஞர்  மானம்பாடி புண்ணியமூர்த்தி. #திருக்குறள் #கவிதை #தமிழ் #திருவள்ளுவர் #பதவி #பண்பு #thirukkural #thir...

அதிகாரம் 84 பேதமை  ******* ஏதிலார் ஆரத் தமர்பசிப்பர் பேதை  பெருஞ்செல்வம் உற்றக் கடை  (குறள் 837) **** முட்டாளின் செல்வம்! **** பணத்தாசை வெறிபிடித்துப் பலலட்சம் சேர்த்துவைத்து மனத்திலே அன்பில்லாது மரம்போன்று வாழும்மாந்தர், காலையில் எழுந்திருந்து கண்களில் பணத்தைஒற்றி சாமியே நீதானென்று சாம்பிராணி சூடம்காட்டி, பெற்றத்தாய் தந்தையேனும் உற்றதோர் மனைவியேனும் தான்பெற்றப் பிள்ளைக்கேனும் காட்டாமல் பணம்மறைத்து, அப்படி உள்ளோன்காசை அடுத்தவர்த் தின்றுபார்ப்பார் தன்னுடை உறவுஇங்கே தாங்காதுப் பசியில்வாடும், மனத்திலே அன்புமின்றி மண்டையில் அறிவுமின்றி வாழ்கின்றப் பேதைக்காசை வழிச்செல்வோர் தின்பாரென்றான்! **** ஏதிலார் - தொடர்பற்ற மற்றவர். தமர் - உரிய உறவுகள். பேதை - அறிவற்றவர். **** உரைநடை விளக்கம். ***** தாய், தந்தை, மனைவி மக்களோடு வாழ்ந்தும், மனத்தினில் அன்பும் மண்டையில் அறிவுமின்றி வாழும் பேதை, பொருள்வளத்தில் சிறந்திருந்தபோதும், அப்பொருளை இவனை ஏமாற்றி மற்றவர்கள் அனுபவித்து மகிழ்ந்திருக்க, உரிய உறவுகள் அடிப்படை...

அதிகாரம் 65 சொல்வன்மை  **** இணர்ஊழ்த்தும் நாறா மலர்அனையர் கற்றது  உணர விரித்துஉரையா தார் (குறள் 650) ***** மணமற்ற மலர்கள்! ****** வீட்டினில் விடுதி தன்னில் விழாக்களில் பல இடத்தில் செயற்கையாம் மலர்கள் தன்னை மிகுதியாய் அலங்க ரிப்பர், கொத்துகள் கொத்தாய் அங்கே கோடியாய் அவையி ருந்தும் கண்களை நிறைக்கு மல்லால் நறுமணம் உண்டோ சொல்வீர்? தன்வீடு முழுதும் ஆங்கே தலையணை போன்ற நூல்கள் பன்நூறு அடுக்கி வைத்துப் படித்தவர் ஆனபோதும், கற்றுநாம் உணர்ந்த செய்தி கல்லாதார் கண் திறக்க உதவவேப் பேசா ராகில் ஊமைக்கு நிகர்தா னென்றான், எவருக்கும் பயன்ப டாது இருக்கின்ற மனித ரெல்லாம் மணமற்ற மலரே யென்று மனம்வெம்பி எழுதி வைத்தான்! **** இணர்ஊழ்த்தும் - கொத்துக் கொத்தாக இருந்தும். நாறா - மணம் இல்லாத. ***** மானம்பாடி புண்ணியமூர்த்தி . 21.02.2018. #089/2018/SIGARAMCO  2018/04/04 கவிக்குறள் - 0015 - மணமற்ற மலர்கள்!        https://www.sigaram.co/preview.php?n_id=315&code=0idOVAp6     பத...

அதிகாரம் 65 சொல்வன்மை  ***** ஆக்கமும் கேடும் அதனால் வருதலால் காத்து ஓம்பல் சொல்லின்கண் சோர்வு  (குறள் 642) ***** நன்றும் தீதும் நாக்கே செய்யும்! **** பேசவே தெரியு மென்று பெருந்திமிர் கொண்டு நாமும் தேவையே இல்லாப் பேச்சுத் தினம் பேசித் திரிதல் நன்றோ? செல்கின்ற இடத்தி லெல்லாம் அறிமுகம் இல்லாப் போதும் பிறரிடம் வலிந்து சென்று பேசியே கொல்லல் நன்றோ? யாரையோ பற்றி நாமும் ஓரிடம் சொன்ன வார்த்தை தீயினைப் போல் வளர்ந்து தேடியே நமைய ழிக்கும்! பழமதை நறுக்கக் கத்தி பயன்படும் நன்மை செய்யும் கொலைசெய்ய அந்தக் கத்தி முனைந்திடின் குற்றம் தானே? நன்மையும் தீமையாவும் நாக்கினால் வருவ தாலே கவனமாய் இருக்கச் சொல்லி கருத்துநூல் எழுதி வைத்தான்! **** காத்துஓம்பல் - பிழைவராது காத்துக் கொள்ளுதல். சோர்வு - குற்றம். ***** மானம்பாடி புண்ணியமூர்த்தி. 20.02.2018. #084/2018/SigaramCO 2018/03/29 கவிக்குறள் - 0014 - நன்றும் தீதும் நாக்கே செய்யும்! #SigaramCO      https://www.sigaram.co/preview.php?n_id=310&code=XKQ...

அதிகாரம் 64 அமைச்சு ***** பழுதுஎண்ணும் மந்திரியின் பக்கத்துள்  தெவ்வோர் எழுபது கோடி உறும்  (குறள் 639) **** துணையே பகையானால்? ***** கத்தியைக் கையில் வைத்துச் சுற்றியே நமை எதிர்க்கும் பகைவர்க்கு அஞ்ச வேண்டாம் பார்த்துநாம் விலகல் கூடும், தோள்தனில் கையைப் போட்டுத் தோழமை மிக்கக் காட்டிப் பழகுவோர் உள் மனத்தில் பகையெண்ணி இருப்பா ராயின், என்றைக்கோ ஓர்நாள் நம்மை எதிரியின் வலையில் வீழ்த்தி அழித்திட முனைவார் நாமோ அவருக்கே அஞ்ச வேண்டும், எழுபது கோடியானும் எதிரினில் நின்று விட்டால் பகையெனத் தெரியக் கூடும் பகைவெல்ல முடியும் நம்மால், அருகினில் இருப்போர் தம்மை அலசிநாம் ஆய்தல் வேண்டும் ஏமாந்து போவோ மானால் எதிரிக்கே வெற்றி யென்றான்! *** தெவ்வோர் - பகைவர். உறும் - நிகராகும். ***** மானம்பாடி புண்ணியமூர்த்தி. 19.02.2018. #080/2018 2018/03/24 கவிக்குறள் - 0013 - துணையே பகையானால்?   https://www.sigaram.co/preview.php?n_id=306&code=BfT3Ys1y   பதிவர் :  மானம்பாடி புண்ணியமூர்த்தி #திருக்குறள் #சிகரம்...