Share it

Saturday, 24 March 2018

கவிக்குறள் - 0013 - துணையே பகையானால்? #SigaramCO

அதிகாரம் 64
அமைச்சு

*****

பழுதுஎண்ணும் மந்திரியின் பக்கத்துள் 
தெவ்வோர் எழுபது கோடி உறும் 
(குறள் 639)

****

துணையே பகையானால்?

*****

கத்தியைக்
கையில் வைத்துச்
சுற்றியே
நமை எதிர்க்கும்
பகைவர்க்கு
அஞ்ச வேண்டாம்
பார்த்துநாம்
விலகல் கூடும்,

தோள்தனில்
கையைப் போட்டுத்
தோழமை
மிக்கக் காட்டிப்
பழகுவோர்
உள் மனத்தில்
பகையெண்ணி
இருப்பா ராயின்,




என்றைக்கோ
ஓர்நாள் நம்மை
எதிரியின்
வலையில் வீழ்த்தி
அழித்திட
முனைவார் நாமோ
அவருக்கே
அஞ்ச வேண்டும்,

எழுபது கோடியானும்
எதிரினில்
நின்று விட்டால்
பகையெனத்
தெரியக் கூடும்
பகைவெல்ல
முடியும் நம்மால்,

அருகினில்
இருப்போர் தம்மை
அலசிநாம்
ஆய்தல் வேண்டும்
ஏமாந்து
போவோ மானால்
எதிரிக்கே
வெற்றி யென்றான்!

***

தெவ்வோர் - பகைவர்.

உறும் - நிகராகும்.

*****

மானம்பாடி புண்ணியமூர்த்தி.
19.02.2018.


#080/2018
2018/03/24
கவிக்குறள் - 0013 - துணையே பகையானால்? 
https://www.sigaram.co/preview.php?n_id=306&code=BfT3Ys1y 
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை  
#சிகரம்   



4 comments:

  1. மிகவும் நன்று பாராட்டுகள்

    ReplyDelete
  2. உண்மையிலும் உண்மை!

    ReplyDelete
  3. 'என் எதிரிகளை எனக்குத் தெரியும். என் நண்பர்களை எனக்குக் காட்டு' என்று இறைவனிடம் வேண்டுதல் வைத்தாற்போல!

    ReplyDelete
  4. அருமையான விளக்கம்

    ReplyDelete

உங்கள் கருத்துகள் தான் எங்களுக்கான கைதட்டல்கள். பதிவைப் பற்றிய எண்ணங்களை தயங்காமல் பகிர்ந்து கொள்ளுங்கள். உங்கள் விமர்சனங்களை வரவேற்கிறோம்.

சிகரம்

Share it

Ads

Featured post

சிகரத்துடன் சில நிமிடங்கள்: பத்துக்கேள்விகள் - முத்துப்பதில்கள்!

சிகரத்துடன் சில நிமிடங்கள்: பத்துக்கேள்விகள் - முத்துப்பதில்கள்!  'சிகரம்' இணையத்தளத்தின் வழியாக வாசகர்கள், நண்பர்கள் அனைவரிடம...

Popular Posts

Popular Posts