டாஷ்போர்டு புட்டுக்கிச்சி !

எல்லாத்துக்கும் வணக்கமுங்க!

போன மாசம் வரைக்கும் என்னோட வலைப்பதிவு நல்லாத்தான் இருந்திச்சி. என்னோட வளர்ச்சி புடிக்காம [????] யாராச்சும் சூனியம் வச்சிருப்பாங்கன்னு நெனைக்கிறேன். நம்ம பிளாக்கர் டாஷ்போர்டு புட்டுக்கிச்சுங்க. நானும் என்னென்னமோ பண்ணிப் பார்த்துட்டேன். ம்ஹும்... ஒன்னும் வேலைக்கே ஆகல. ஆகக் கடைசியா ஒன்னு பண்ணேன். நம்ம காளி கோயில் பூசாரியைக் கூப்பிட்டு பிளாக்குக்கு விபூதி மந்திரிச்சு வச்சும் பார்த்தேன்.

அதுக்கும் சரி வராததால மறுபடியும் அவர அழைச்சுக்கிட்டு வந்தேன். அவுரு "தம்பீபீபீ......................." அப்படின்னு சாமிய வரவழைச்சுக்கிட்டு என்னக் கூப்பிட்டார். பயத்துல பதறிப் போன நான் என்னோட பிளாக்கு சைடு பார்ல போய் பசக்குன்னு ஒட்டிக்கிட்டேன். இழுத்துப் புடிச்சு மறுபடியும் கீழ உக்கார வச்சார். "இது சர்வதேச சக்திகளோட சதின்னு என் காளி சொல்றா.... என்னால எதுவும் பண்ண முடியாது. வேணும்னா ஒரு தாயத்து மந்திரிச்சுத் தாறேன்"னார். "சரி"ன்னு ஒரு தாயத்த வாங்கி கீபோர்ட சுத்தி கட்டி வச்சேன். 

கடைசில டைப் பண்ணத்தான் கஷ்டமாகுனிச்சே தவிர பிரச்சன தீரல. அதால குறி சொல்றவர கூட்டிக்கினு வந்தேன். அவரு "தெற்குப் பக்கத்துல இருக்கறவன் தான் உனக்கு செய்வின வச்சிருக்கான்"னார். நா அத எடுக்குறதுக்கு வழிய கேட்டுக்கிட்டு பேசாம இருந்துருக்கணுமா இல்லையா? என் வாய் சும்மா இருக்க முடியாம "வச்சவரு பேரு, அட்ரஸ் எல்லாம் கண்டு புடிப்பீங்களா?"ன்னு கேட்டுப்புட்டேன். அப்படியே மயக்கம் வந்து கீழ விழுந்திட்டார். சடார்னு கொஞ்சூண்டு தண்ணிய எடுத்து மூஞ்சில தெளிச்சிட்டு ஓடிப்போய் ஒளிஞ்சுக்கிட்டேன். சாபம் கீபம் விட்டுட்டாருன்னா?  

என்னோட பிளாக்கர்ல எல்லாமே செய்ய முடியுதுங்க. ஆனா டாஷ்போர்டுக்கு மட்டும் போகவே முடியுதில்ல. அத கண்டுபுடிக்கத்தான் இவ்வளவு போராட்டமும். டாஷ்போர்டுக்கு பதிலா கீழ உள்ள இந்த அறிவித்தல் தானுங்க வருது. 

      அச்சச்சோ, பிழை.

சிரமத்திற்கு வருந்துகிறோம்.

திரும்பவும் பொருட்கள் அதே வரிசையில் உள்ளதா என்பதைப் பார்க்க, பக்கத்தைப் புதுப்பிக்க முயலவும்.

இன்னும் சிக்கல் தொடர்ந்தால், பின்வருவதை நாங்கள் பரிந்துரைக்கிறோம்:

• உங்கள் உலாவியின் தற்காலிக சேமிப்பையும், குக்கீகளையும் அழித்து மீண்டும் முயலவும்.
• யாராவது இதே சிக்கலுடன் உள்ளார்களா என்பதைப் பார்க்கவும்: bX-uadle3 என்ற பிழைக் குறியீட்டிற்கு பிளாகர் உதவி மன்றத்தைத் தேடவும்

நமக்கு இங்கிலீசு வேற சுத்தமா வராதா, அதால அவங்க தார இணைப்புல என்ன தீர்வு சொல்லிருக்காங்கனு தெரிஞ்சுக்க முடியுதில்ல. இந்த மாசம் தோங்குனதுல இருந்தே இப்படித்தான். ரொம்ப கன்பீசனாகிப் போயிருக்கேன். யாரவது உதவி செய்யுங்களேன். புண்ணியமாப் போகும் சாமிகளா... என் பிரச்சினைய தீர்த்து வைக்கிறவங்க தலைல....  மன்னிக்கணும்...... வார்த்தைகள்ல கொஞ்சம் கோளாராகிப் போச்சு..... என் பிரச்சினைய தீர்த்து வைக்கிறவங்களுக்காக மலேசியா புத்தர் சந்நிதில போய் 10000000000000000000 தேங்கா உடைக்கிறேன். (எல்லாரும் என்னைய அப்படிப் பாக்காதீங்க.   உண்மையாத்தான்....) 

இந்தப் பதிவுல என் எழுத்து வேணும்னா மொக்கையா இருக்கலாம். ஆனா பிரச்சினை உண்மை. தீர்வுக்காக சாப்பிட்டு தூங்கி என் வேலையெல்லாம் முடிஞ்சி நேரம் இருந்தா காத்திருக்கேன் (ஒன்னுமே பண்ணாம காத்திருப்பேன்னு நா சொன்னா நம்பவா போறீங்க?). 

அப்புறம் இன்னொரு முக்கியமான விஷயம். நம்ம பதிவுக்கு நெறையா பேரு வாறீங்க (பேரு அட்ரெஸ் எல்லாம் கலெக்ட் பண்ணித்தான்  வச்சுருக்கேன்). ஆனா கமெண்ட்ஸ் போடாம அப்பிடிக்கா திரும்பி ஓடிப் போயிருறீங்க. ஏன்யா என் வலைப்பதிவுக்கு மட்டும் இப்படியெல்லாம் பண்ணுறீங்க? அதுனால இந்தப் பதிவுக்கு ஐ வாண்ட்டு 50  கமெண்ட்ஸ்ஸ்ஸ்ஸ்.... ஓகேகேகே????????????????????? இல்லாட்டி ஐயாம் கில்லிங்கு ஆல் யு..... வாங்கையா வாங்க..... கருத்தெழுத ஆரம்பிச்சுட்டீங்களா? நல்லா எழுதுங்க. நா பிறகு வந்து பாத்துக்குறேன்.

டாஷ்போர்டு புட்டுக்கிச்சி ! 

https://newsigaram.blogspot.com/2012/08/dashboardu-puttukkichchu.html