Tuesday, September 12, 2017

பிக்பாஸ் தமிழ் - வாரம் 12 - வெற்றிக்கான தங்கத் துருப்புச் சீட்டு யாருக்கு?

பிக்பாஸ் மாபெரும் இறுதிப்போட்டிக்கு இன்னும் மூன்று வாரங்கள் எஞ்சியுள்ள நிலையில் இறுதிப்போட்டிக்கு நேரடியாகத் தேர்வாவதற்கான வாய்ப்பை பிக்பாஸ் வழங்கியுள்ளார். அதுதான் 'வெற்றிக்கான தங்கத் துருப்புச் சீட்டு ( Winning Golden Ticket )'.

இது தொடர்பான மேலதிகத் தகவல்களை அறிந்துகொள்ள 'சிகரம்' இணையத்தளத்தை நாடுங்கள். அல்லது கீழுள்ள இணைப்பை சொடுக்குங்கள்! 



#BiggBossTamil #BiggBossTamilUpdate 

Wednesday, August 30, 2017

சிகரம் பணிக்கூற்று - 2017.07.01 - 2018.05.31

 சிகரம்

திருவள்ளுவராண்டு 2048 ஆனி 17, 2017.07.01 - சனிக்கிழமை.

மகுட வாசகம்


தமிழ் கூறும் நல்லுலகு!

தூரநோக்கு


தமிழ் மொழியை மொழி, கலை, கலாசாரம், அறிவியல், கணிதம் மற்றும் தொழிநுட்பம் என அனைத்திலும் உலக மொழிகளனைத்தையும் விட தன்னிறைவு கொண்ட மொழியாக உருவாக்குதலும் உலகெங்கும் பரந்து வாழும் தமிழ் மக்களுக்கான நிரந்தர முகவரியை உருவாக்குதலும்!

எமது இலட்சிய நோக்கு


* தமிழர் வரலாறு, பழந்தமிழ் நூல்கள், வரலாற்று ஆதாரங்கள் போன்றவற்றை ஆவணப்படுத்தல், காட்சிப்படுத்தல் மற்றும் எண்ணிமமாக்கல்.

* தமிழில் உலகின் மிகப்பெரிய எண்ணிம நூலகத்தையும் தரவு மையத்தையும் உருவாக்குதலும்  உலகின் முதற்தர தமிழ்ச் செய்திச் சேவையாகத்  தொழிற்படுதலும்.

* உலகின் மொழிகள் அனைத்திலும் தலை சிறந்த படைப்புகள் அனைத்தையும் தமிழில் வழங்குதலும் கடந்தகால மற்றும் தற்கால தமிழ்ப் படைப்புக்களை எண்ணிமமாக்கலும்  படைப்பாளிகளை ஊக்குவித்தல், கௌரவித்தல்.

* அனைத்து செயற்பாடுகளும் சகல இன மக்களையும் மையப்படுத்தியதாக அமைதலும் ஒன்றிணைத்து செயற்படுதல் மற்றும் சகோதர மொழிகளுக்கு மதிப்பளித்தலும் அவர்களின் மொழி, இலக்கியம் மற்றும் கலாசாரத்தை தமிழிலும் அந்தந்த மொழிகளிலும் ஆவணப்படுத்தலும்.
* உலக அளவில் தமிழ் மொழிக்கானதும் தமிழ் மக்களுக்கானதுமான உறுதியான, உயரிய அங்கீகாரத்தைப் பெற்றெடுத்தலும் தமிழ் மக்களுக்கென தனியான, தனித்துவமான சுய முகவரியை வென்றெடுத்தலும்.

* தகவல் தொழிநுட்பம் மற்றும் ஊடகத்துறை சார்ந்த வணிகத்துறைகளில் தடம் பதித்து வாடிக்கையாளர்களைத் திருப்திப்படுத்துதலும் மக்களுக்கான மக்களின் வணிகமாக செயற்படுதலும்.⁠⁠⁠⁠

* இலங்கையில் வாழும் மலையகத் தமிழர்களின் இலக்கியம், கலை மற்றும் வாழ்வியல் ஆகியவற்றை உலகறியச் செய்தலும் தரவுகளைத் தொகுத்தல், ஆய்வுகளை மேற்கொள்ளல் ஆவணப்படுத்தலும்.

* தமிழ் மொழியின் பெருமையையும் வளமையையும் மட்டுமல்லாது தமிழ்ப் படைப்புகளையும் உலக மொழிகளினூடாக உலகறியச் செய்தல். மொழிபெயர்ப்பு இலக்கியத்தை பிறமொழிகளில் இருந்து தமிழுக்கும் தமிழ் மொழியில் இருந்து பிற மொழிகளுக்கும் ஆக்குதல்.



குறிக்கோள்கள் 

 
01. மலையக மக்களின் கல்வியறிவை மேம்படுத்துவதுடன் அரசியல், சமுதாய விழிப்புணர்ச்சிகளை ஏற்படுத்தி மலையக தமிழர்களின் கலை, கலாசார விழுமியங்களை பாதுகாப்பதுடன் கல்வி, மருத்துவம், விளையாட்டு, பண்பாடு, விஞ்ஞானம், தகவல் தொழிநுட்பம், சுற்றுச் சூழல் பாதுகாப்பு என சகல துறைகளிலும் வளர்ச்சியடைந்த - உச்ச பட்ச அபிவிருத்தியடைந்த மலையகத்தை உருவாக்கி எதிர்கால சந்ததிக்கு கையளித்தல்.

02. தகவல் தொழிநுட்ப துறையில் ஆங்கில மொழியை நிகர்த்த முக்கியத்துவத்தை தமிழ் மொழியைப் பெறச் செய்தல். அதாவது தமிழ் வன்பொருள், தமிழ் மென்பொருள், தமிழ் இணைய உலாவி, தமிழ் இணைய தேடற்பொறி, தமிழ்த்தகவல் களஞ்சியம் என முழு உலகும் கண்ணிமைக்கும் நொடியில் தமிழ்மொழியில் தமிழர்களின் கரங்களைக் கிட்டச் செய்தல் எமது முக்கியமான இலக்காகும். இதனூடாக தமிழ் மக்களின் மத்தியில் ஆங்கிலம் உள்ளிட்ட பிற மொழிகளின் முக்கியத்துவத்தை குறைத்தல் அல்லது இல்லாதொழித்தல்.

03. சிகரம் ஊடகத்துறையினூடாக எவ்விதமான பக்கச்சார்புமின்றியும் அச்சமுமின்றியும் நீதித்தன்மையுடன் உடனுக்குடன் உண்மையானதும் தெளிவானதும் உறுதியானதுமான செய்திகளை மக்களுக்கு வெளிப்படுத்தல். மக்களின் பிரச்சினைகளை சரியாக இனங்கண்டு அவற்றுக்கு உடன் தீர்வு காணுதல். தமிழர்களின் பிரச்சினைகளுக்கு முன்னுரிமை வழங்கபடுவதோடு சகல மக்களின் பிரச்சினைகளுக்கும் நிறுவனம் குரல் கொடுக்கும்.

04. தமிழ்க் கருத்தரங்குகளை தினசரி, வாராந்தம், மாதாந்தம் என உரிய கால அளவுகளில் நடத்துதலும் வருடாந்த மாநாடுகளை உலக அளவில் ஒழுங்கு செய்து நடத்துதல் மற்றும் உலக அளவில் இடம்பெறும் இவ்வாறான ஏனைய நிகழ்ச்சிகளுக்கு பூரண ஒத்துழைப்பு வழங்குதலும் மற்றும் தமிழ்க் கலை, இலக்கிய நிகழ்வுகளுக்கு அனுசரணை வழங்குதல் மற்றும் ஆவணப்படுத்தலும் 

05. தாய்மொழி வழிக் கல்வி தொடர்பிலான அவசியத்தை மக்களுக்கு உணர்த்துதல் மற்றும் தாய்மொழி வழிக் கல்விக்கு ஆதரவு வழங்குதல் மற்றும் தமிழில் தாய்மொழி வழிக் கல்விக்கான வளங்களை மாணாக்கர்கள் பெற்றுக்கொள்ள ஆவண செய்தல். 
06. தமிழ்ப் படைப்பாளிகளை உரிய முறையில் இனங்கண்டு அவர்களின் படைப்புகளை உலகறியச் செய்தலும் திறமையான படைப்பாளிகளை ஊக்குவித்தலும் நலிந்த பொருளாதாரம் கொண்ட படைப்பாளிகளுக்கு பொருளாதார ரீதியான பாதுகாப்பை வழங்குதலும் தமிழ்ப் படைப்பாளிகளின் படைப்புகளை உரிய முறையில் ஆவணப்படுத்துதலும்.

07. உலகின் மிகப் பெரிய எண்ணிம நூலகம் மற்றும் ஆவணக்காப்பகத்தை உருவாக்குதல். இதற்காக ஏற்கனவே இத்துறையில் உள்ளவர்களை இணைத்துக் கொள்ளல் அல்லது அவர்களின் ஆலோசனைகளைப் பெற்றுக் கொள்ளல். மேலும் மின்னூல் மற்றும் மின்னிதழ் வெளியீட்டை தமிழில் ஊக்கப்படுத்தல். தற்கால படைப்பாளிகளின் படைப்புகளை அவர்களின் அனுமதியுடன் மின்னூலாக்கம் செய்தல். நமது எண்ணிம நூலகத்தின் வாயிலாக கட்டணத்துடன் அல்லது கட்டணமின்றி அவற்றை படிக்கும் வசதியை மக்களுக்கு வழங்குதல்.


08. வெளியிடப்படும் நூல் சார்ந்த அல்லது அச்சு சார்ந்த துறையில் (பத்திரிகைகள், புத்தகங்கள்) தகவல் சேகரிப்பு, அச்சிடல், வெளியிடல் என்பவற்றில் முறையான தரத்தை பேணுதலும் எண்ணிம வடிவிலான வெளியீடுகள் மற்றும் ஆவணப்படுத்தல் தொடர்பில் முறையான தரக்கொள்கையைப் பின்பற்றுதலும்.


சிகரம் குறிக்கோள்கள் : 2017.07.01 முதல் 2018.05.31 வரையிலான காலப்பகுதிக்கு உரியது.


# சிகரம் இணையத்தளத்தினூடாக தமிழ்ப் படைப்பாளிகளின் படைப்புகளை உலகறியச் செய்தல்

# சிகரம் பாரதியின் வலைத்தளங்கள், சிகரம் நிறுவன வலைத்தளங்கள் மற்றும் நட்பு வட்டார வலைத்தளங்கள் ஆகியவற்றில் வெளியான படைப்புகள் அனைத்தையும் சிகரம் இணையத்தளத்தினூடாக வெளியிடல்

# வாராந்தம் அல்லது மாதாந்த கால இடைவெளியில் சிகரம் இணையத்தளத்தில் வெளியிடப்படும் படைப்புகளை இணைத்து சிகரம் மின்னிதழை வெளியிடல்

# எழுத்தினூடாக மட்டுமல்லாது குரல்ஒலி மற்றும் காணொளி வாயிலாகவும் தமிழ்ப் படைப்புகளை மக்களிடம் கொண்டு சேர்த்தல்

# தமிழ் கூறும் நல்லுலகம் வாட்ஸப் குழுவின் படைப்புகளை சிகரம் இணையத்தளத்தில் வெளியிடுதலும் தமிழ் மொழியை வளப்படுத்துவதற்கான நடவடிக்கைகளை குழுவுடன் இணைந்து முன்னெடுத்தலும்

# சிகரம் இணையத்தளத்தை உலகத் தமிழர்களிடம் கொண்டு சேர்ப்பதற்கு ஏதுவாக விளம்பரப்படுத்தலை மேற்கொள்ளல்⁠⁠⁠⁠

# மலையகம் தொடர்பான ஆய்வுகள் மற்றும் பிற படைப்புகளை வெளியிடல்

# சக வலைத்தளங்கள் அல்லது இணையத்தளங்களில் வெளியான தரமான படைப்புகளை உரியவர்களின் அனுமதியோடு மீள் பிரசுரம் செய்தல்

சிகரம் குறிக்கோள்கள் - 2017.07 முதல் 2020.05 வரையான காலப்பகுதிக்கு உரியது.


^ சிகரம் சட்டபூர்வ நிறுவன அமைப்பைத் தொடங்கி செயற்பாடுகளை ஆரம்பித்தல்.

^ சிகரம் நிறுவனத்திற்காக கொள்கைகளை மறுபரிசீலனை செய்தல்

^ திறன்பேசிக்கான சிகரம் செயலியை அறிமுகம் செய்தல்

^ 2020 இல் முதலாவது சிகரம் மாநாட்டை நடாத்துதல்

- சிகரம் -



Monday, August 28, 2017

பிக்பாஸ் தமிழ் - வாரம் 09 - வெளியேறினார் ரைசா!



பிக்பாஸ் நிகழ்ச்சி தனது ஒன்பதாவது வாரத்தையும் நிறைவு செய்துள்ளது. இந்த வாரம் வீட்டுக்குள் பெரிதாக எந்த சிக்கல்களும் இல்லாதிருப்பது கண்டு மனம் நொந்த பிக்பாஸ் கமல் மூலமாக குடும்ப உறுப்பினர்களிடையே பிளவை உண்டு பண்ணினார். குடும்ப உறுப்பினர்களின் மீதான புகார்களை வழக்காடு மன்றத்தின் மூலமாக விசாரிப்பதாக ஒரு பணியைக் கொடுத்து சிக்கல்களை சிறிது இல்லத்திற்குள் அனுப்பி விட்டார். முழுமையான விளைவுகள் திங்கள் ( 28 ) அத்தியாயம் முதல் தெரிய வரும்.

                                               ***************************

பதிவை முழுமையாக வாசிக்க 'சிகரம்' இணையத்தளத்துக்குப் பிரவேசியுங்கள் : 



Thursday, August 10, 2017

என்ன மச்சான்? சொல்லு மச்சி! - 02

என்ன மச்சான்?

சொல்லு மச்சி!

என்னத்த சொல்ல? நானே ஓவியா பிக்பாஸ் நிகழ்ச்சில இருந்து வெளில போன கவலைல இருக்கேன்...

ஏன், ஜூலியும் தானே வெளிய போனாங்க?

ஆமா. ஆனா ஓவியாவுக்காக கவலைப்படறவங்கள்ல ஒரு சிலர் கூட ஜூலிக்காக வருத்தப்படறதில்ல...

இது தப்பில்லையா?

எது தப்பு? ஜூலி பண்ணது தான் தப்பு. ஓவியா சரியாத்தான் இருந்தாங்க.

ஜூலி இந்த நிகழ்ச்சி நடக்குற அந்த நூறு நாள் மட்டுமே தன்னோட வாழ்க்கையை தீர்மானிக்கப் போகுதுன்னு தப்பா நெனச்சிக்கிட்டதுனால தப்பு பண்ணிட்டாங்க. அதையே பெருசு படுத்திப் பேசுறது தப்பில்லையா?

ஜூலி ஒன்னும் சின்னப் பொண்ணு கெடையாதுல்ல?



ஆமா. ஆனா அந்த பதினாறு பேருக்குள்ள நடக்குற விசயங்களை மட்டும் வச்சி அவங்கள எடை போடுறது நியாயமா?

பேஸ்புக்ல போய்ப் பாரு புரியும். ஓவியாவுக்காக இளைஞர்கள் அப்படியே உருகுறாங்க.

அதே பேஸ்புக்ல தான் ஜூலியை கீழ்த்தரமா விமர்சிச்சும் எழுதறாங்க.

ஜூலி பண்ணது தப்பே இல்லங்குறியா?

நா அப்படி சொல்லல

பின்ன?

நம்ம எல்லோருக்கும் ஓவியாவை ஏன் பிடிக்குது?

ஏன்னா அவங்க எதைப் பத்தியும் கவலைப்படறதில்ல, அன்பா இருக்காங்க, சந்தோசமா இருக்காங்க.

மிகச்சரி. அவங்கள நேசிக்கிற, கொண்டாடுற நம்மளால ஏன் அவங்க குணங்களை பின்பற்ற முடியல?

அது... அது....

ஏன்னா நாம ஓவியாவா இல்ல, ஜூலிகளாகத்தான் இருக்கோம். நாம என்னிக்கு நமக்கு உள்ள இருக்குற ஜூலியை வெளிய அனுப்பிட்டு ஓவியாவை உள்ள கூட்டிக்கிட்டு வாறோமோ அன்னிக்கு தான் நாம ஜூலியை விமர்சிக்க முடியும்.

அதுவும் சரிதான்

பிக்பாஸ் நிகழ்ச்சி பாதி முடிஞ்சிருச்சு. ஆனா நாம இன்னமும் அடுத்தவங்களை குறை சொல்லிக்கிட்டு விமர்சனம் பண்ணிக்கிட்டு இருக்கோம்.

அதாவது நம்மை நாமே சுய பரிசோதனை செய்துக்கணும்னு சொல்ற. அப்படித்தானே?

 அப்படியேதான்.க க போ....!

ஆமா, தெலுங்கு பிக்பாஸ் பாத்தியா?

தமிழைப் பார்க்கவே நேரம் போதலை. இதுல அது வேறயா?

பாருடா... 60 ஒளிப்பதிவுக் கருவிகள், 70 நாட்கள், ஜூனியர் என்.டி.ஆருடன்.....

70 நாள் தானா? ஓ... அதுலயும் பதினைஞ்சு பேரா?

இருக்கலாம்....

ஹிந்தில 10 தடவை பிக்பாஸ் ஏற்கனவே முடிஞ்சிடுச்சு. வாற மாசம் பதினோராவது தடவையாவும் ஒளிபரப்பாகப் போகுது.

நடக்கட்டும்... நடக்கட்டும்....

டும்.... டும்.....

Sunday, July 23, 2017

பாரா வின் ஒரே ஒரு அறிவுரை

சிலருக்கு அப்பாவைப் பிடிக்கும். பலருக்கு அம்மாவைப் பிடிக்கும். ஒரு சிலருக்கு யாரையுமே பிடிப்பதில்லை. நமக்கு அப்பாக்கள் இருக்கும் வரை அவர்களைப் பிடிக்குமா இல்லையா என்பது தெரிவதே இல்லை. ஏனெனில் கண்டிப்புடனேயே கடைசி வரை இருந்துவிடுவது தான். சிறுவயதில் அப்பாவை இழந்தவர்களுக்குத்தான் அந்த வலி அதிகம் புரியும். இது ஒரு சிறுகதை. அப்பாவை இழந்த ஒரு மகனின் கதை. இருபத்தைந்து வருடங்களாக தன் கூடவே இருந்த தந்தையின் இறுதிக் கிரியை நிகழ்வும் அந்த நிகழ்வின் தாக்கத்தினால் மகனின் எண்ண ஓட்டத்தில் வந்து போகும் சில சம்பவங்களும் தான் கதை. வலிமைமிக்க சொற்களினால் கதையை செதுக்கியுள்ளார் கதாசிரியர் பாரா. ஒவ்வொரு எழுத்துக்களும் நமது இதயத்தின் அடி ஆழத்தைத் தொட்டுவிட்டுத் திரும்புகின்றன.

பார்த்தசாரதி ராகவன் என்னும் பாரா தமிழகத்தின் தவிர்க்க முடியாத அடையாளம் எனலாம். 'சென்னை தவிர இன்னோர் இடத்தில் என்னால் ஒரு சில தினங்களுக்குமேல் இருக்க முடியுமா என்று எப்போது வெளியூர் போனாலும் சந்தேகம் வரும். இந்நகரின் சத்தம் பாதுகாப்பு உணர்வைத் தருகிறது. இதன் அசுத்தமும் ஒழுங்கீனங்களும் அவசரமும் என் இயல்புக்குப் பெரிதும் பொருந்துகிறது. நான் சென்னையை விரும்புபவன். சென்னைக்காரன்.' என்று தான் வாழும் சென்னையைப் பற்றிக் குறிப்பிடுகிறார். தன்னுடைய வசீகரமான எழுத்துக்களால் வாசகர்களைக் கவர்வதில் வல்லவர்.




'எலும்புகளை ஒரு சட்டியில் போட்டு வைத்திருந்தார்கள். அவை சூடாக இருந்தன. எட்டு மணி நேரத்துக்கு முன்பு வரை அப்பாவாக இருந்து, பிறகு பிரேதமாகி, இப்போது ஒரு சிறு மண் சட்டிக்குள் அவர் எலும்புத் துண்டுகளாக இருந்தார். சாம்பல் குவியலில் இருந்து பொறுக்கியெடுத்தவர் கைகள் சுட்டிருக்கும்' என்று கதை ஆரம்பிக்கும் போதே மனதுக்குள் ஒரு சோகம் வந்து உட்கார்ந்து விடுகிறது. தொடர்ந்து கடலில் கரைப்பதற்காக எலும்புகளை பொறுக்கியெடுக்கச் சொல்கிறார் வெட்டியான்.

------------------------------------------------------------

முழுப் பதிவையும் வாசிக்க 'சிகரம்' இணையத்தளத்துக்கு செல்லுமாறு நண்பர்களைக் கேட்டுக் கொள்கிறேன்.

சிகரம் -  பாரா வின் ஒரே ஒரு அறிவுரை


https://www.sigaram.co/preview.php?n_id=98&code=1eg7caNE

Tuesday, July 18, 2017

வணக்கம் சிகரம்!

வணக்கம் நண்பர்களே! நலம், நலமறிய ஆவல். 'சிகரம்' இணையத்தளம் ஜூலை முதலாம் திகதி முதல் தமிழ்ப்பணியாற்றிவருவது நாம் அறிந்ததே. தமிழ் கூறும் நல்லுலகின் பங்களிப்போடு வெற்றிகரமாக எமது செயற்பாடுகளை ஆரம்பித்துள்ளோம். இதுவரை காலமும் என் வெற்றிக்குப் பின்னால் இருந்த அனைவரையும் 'சிகரம்' இணையத்தளத்தை வெற்றிபெறச் செய்ய பங்களிக்க வருமாறு அன்போடு அழைக்கிறேன்.


எமது மகுட வாசகம்:
தமிழ் கூறும் நல்லுலகு!


எமது தூரநோக்கு:
தமிழ் மொழியை மொழி, கலை, கலாசாரம், அறிவியல், கணிதம் மற்றும் தொழிநுட்பம் என அனைத்திலும் உலக மொழிகளனைத்தையும் விட தன்னிறைவு கொண்ட மொழியாக உருவாக்குதலும் உலகெங்கும் பரந்து வாழும் தமிழ் மக்களுக்கான நிரந்தர முகவரியை உருவாக்குதலும்!





அழகு தமிழில் கவிதைகள், கதைகள், கட்டுரைகள், ஆய்வுக் கட்டுரைகள் மற்றும் தமிழ் சார்ந்த படைப்புகள் என உங்கள் திறமைகளுக்குக் களம் அமைக்க நாம் தயாராக உள்ளோம். இலக்கியம், விஞ்ஞானம், அரசியல், கணிதம் மற்றும் பொருளியல் என எது சார்ந்த படைப்புகளாக இருந்தாலும் சிகரம் இணையத்தளத்துக்கு அனுப்பி வையுங்கள். தமிழால் இணைவோம்! தமிழை வளர்ப்போம்!


உங்கள் திறமைகளை எங்கள் சிகரத்தோடு இணைந்து இவ்வுலகுக்கு அறிமுகப்படுத்துவோம்! அறிவியல், அரசியல், இலக்கியம், நக்கல் மற்றும் விளையாட்டு என எது சார்ந்த படைப்பாக இருந்தாலும் அவை அனைத்துக்கும் களம் அமைத்துத் தர நாம் தயாராக இருக்கிறோம். தரமான டப்ஸ்மாஷ் அல்லது சிறந்த குரல் பதிவு என்பவற்றையும் உலகறியச் செய்ய நாம் தயாராக உள்ளோம். உங்கள் சுயசரிதை, விமர்சனங்கள் ஆகியனவும் ஏற்றுக்கொள்ளப்படும். ஒரே ஒரு நிபந்தனை மட்டுமே. உங்கள் படைப்பு எதுவாக இருந்தாலும் அழகிய தமிழில் அமைந்திருக்க வேண்டும். இதைத்தவிர உங்களுக்கு வேறு எந்தக் கட்டுப்பாடுகளும் இல்லை. 

தமிழ் வளர்க்கும் உயரிய நோக்கத்தை நிறைவேற்ற நீங்கள் அனைவரும் உங்கள் மேலான ஒத்துழைப்பை நல்கிடுவீர்கள் என நம்புகிறேன்.



தேமதுரத் தமிழோசை உலகமெலாம் பரவும் வகை செய்தல் வேண்டும்!



சிகரம் இணையத்தளம் : https://www.sigaram.co

தொடர்புகளுக்கு : editor@sigaram.co



Monday, July 17, 2017

என்ன மச்சான்? சொல்லு மச்சி!


யாருடா பிக் பாஸ்?

யாரு இல்ல, நிகழ்ச்சி...

ஓ! நம்ம விஜய் தொலைக்காட்சியா?

ம்ம்...



நல்லதொரு .குடும்பம்... பல கலைக் கலகம்....

எல்லா கெரகமும் சேர்ந்து கலகம் பண்ணிக்கிட்டிருக்கு

பேஸ்புக், யூடியூப் னு நக்கலும் நையாண்டியும் களை கட்டுது

ம்ம். நாம நிகழ்ச்சியை கலாய்ச்சிக்கிட்டிருக்கோம்னு நெனச்சிக்கிட்டிருக்கோம்.

பின்னே?

அதுதான் இல்ல. அவங்க நம்மள கலாய்க்க வச்சிக்கிட்டிருக்காங்க.


>>>>>>>>>>>>>>>>>>>>>>>>>>>>>>>

முழுப் பதிவையும் படிக்க நமது 'சிகரம்' இணையத்தளத்துக்கு வாருங்கள்!

Tuesday, June 27, 2017

சிகரம் - குறிக்கோள்கள் ( 2006-2017)

01. எவ்விதமான பக்கச்சார்புமின்றியும் அச்சமுமின்றியும் நீதித்தன்மையுடன் உடனுக்குடன் உண்மையானதும் தெளிவானதும் உறுதியானதுமான செய்திகளை மக்களுக்கு வெளிப்படுத்தல்.



02. தமிழையும் தமிழரையும் பாதுகாத்தலும் சகல துறைகளிலும் முன்னேற்றுதலும்.

03. ஒழுக்கம், நேர்மை, நேரம், கடமை,கட்டுப்பாடு, கல்வி என்று சகல துறைகளிலும் தேர்ச்சி பெற்றவர்களாக எதிர்கால சட்டபூர்வ நிறுவன முகாமைத்துவக்குழு , ஊழியக் குழு என்பவற்றை அமைத்தல்.

04. மக்களின் பிரச்சினைகளை சரியாக இனங்கண்டு அவற்றுக்கு உடன் தீர்வு காணுதல். தமிழர்களின் பிரச்சினைகளுக்கு முன்னுரிமை வழங்கபடுவதோடு சகல மக்களின் பிரச்சினைகளுக்கும் நிறுவனம் குரல் கொடுக்கும்.

05.01. நடுவுநிலைமையுடன் செயற்படுதலும் ஒற்றுமையையும் சமாதானத்தையும் மக்கள் மத்தியில் நிலை நாட்டுதல்.

05.02. சேவைநோக்குடன் செயற்படும் அதேவேளை அது நிறுவனத்தை பாதிக்காத வகையிலான சேவைகளாக அமைக்கப்படுவதுடன் உச்ச இலாபம் தரக்கூடிய துறைகளையும் முன்னுரிமைப்படுத்தி செயற்படல்.


06. வெளியிடப்படும் நூல் சார்ந்த அல்லது அச்சு சார்ந்த துறையில் (பத்திரிகைகள், புத்தகங்கள்) தகவல் சேகரிப்பு, அச்சிடல், வெளியிடல் என்பவற்றில் முறையான தரத்தை பேணுதல் .

07. மலையக மக்களின் கல்வியறிவை மேம்படுத்துவதுடன் அரசியல், சமுதாய விழிப்புணர்ச்சிகளை ஏற்படுத்தி மலையக தமிழர்களின் கலை, கலாசார விழுமியங்களை பாதுகாப்பதுடன் கல்வி, மருத்துவம், விளையாட்டு, பண்பாடு, விஞ்ஞானம், தகவல் தொழிநுட்பம், சுற்றுச் சூழல் பாதுகாப்பு என சகல துறைகளிலும் வளர்ச்சியடைந்த - உச்ச பட்ச அபிவிருத்தியடைந்த மலையகத்தை உருவாக்கி எதிர்கால சந்ததிக்கு கையளித்தல்.

08. தகவல் தொழிநுட்ப துறையில் ஆங்கில மொழியை நிகர்த்த முக்கியத்துவத்தை தமிழ் மொழியைப் பெறச் செய்தல். அதாவது தமிழ் வன்பொருள், தமிழ் மென்பொருள், தமிழ் இணைய உலாவி, தமிழ் இணைய தேடற்பொறி, தமிழ்த்தகவல் களஞ்சியம் என முழு உலகும் கண்ணிமைக்கும் நொடியில் தமிழ்மொழியில் தமிழர்களின் கரங்களைக் கிட்டச் செய்தல் எமது முக்கியமான இலக்காகும். இதனூடாக தமிழ் மக்களின் மத்தியில் ஆங்கிலம் உள்ளிட்ட பிற மொழிகளின் முக்கியத்துவத்தை குறைத்தல் அல்லது இல்லாதொழித்தல்.

இது 'சிகரம்' இன் 2006 - 2017 ஜூன் வரையான காலப்பகுதியில் எம்மால் முன்கொண்டு செல்லப்பட்ட குறிக்கோள்களாகும். மறுசீரமைக்கப்பட்ட புதிய குறிக்கோள்கள் விரைவில் வெளியிடப்படும்!

- சிகரம் -

Monday, June 19, 2017

பதினோராம் வருடப் பூர்த்தியில் சிகரம்!

வணக்கம் நண்பர்களே! 2006.06.01 அன்று 'சிகரம்' கையெழுத்து சஞ்சிகையாக தனது பயணத்தைத் துவங்கியது. பதினோரு ஆண்டுகள் உருண்டோடி விட்டன. பண்ணிரண்டாவது அகவையில் உங்கள் 'சிகரம்' காலடி எடுத்து வைத்திருக்கிறது. ஒரு குழந்தை போல் மெல்ல மெல்ல நிதானமாக'சிகரம்' தனது ஒவ்வொரு அடியையும் எடுத்து வைத்துக்கொண்டிருக்கிறது. வெற்றிப் பாதையில் மெதுவாகவே பயணித்துக் கொண்டிருந்தாலும் இலக்கை நோக்கித் தெளிவாக பயணத்தைத் தொடர்ந்து கொண்டிருக்கிறோம். 'சிகரம்' இணையத்தளத்தின் ஆரம்பம் குறித்து நீங்கள் அறிந்திருப்பீர்கள். 'சிகரம்' இணையத்தள வடிவமைப்பின் முதற்கட்டப் பணிகள் முடிவடைந்துள்ள நிலையில் இன்னும் சில பணிகளே எஞ்சியுள்ளன. அவையும் முடிவடைந்த பின்னர் இணையத்தளம் தனது தமிழ்ப்பணியைச் செவ்வனே செய்யக் காத்திருக்கிறது. 

மேலும் இம்மாதம் முதல் குரல்ஒலி மற்றும் காணொளி நிகழ்ச்சிகள் வாயிலாகவும் 'சிகரம்' உங்களை நாடி வந்து கொண்டிருக்கிறது என்னும் மகிழ்ச்சியான செய்தியையும் இச்சந்தர்ப்பத்தில் உங்களுக்கு வழங்கக் கடமைப் பட்டிருக்கிறேன். விரைவில் நிறுவன அமைப்பாக எமது பணியைத் தொடர வேண்டும் என்பதே எமது எதிர்பார்ப்பாகும். நண்பர்களின் தொடர்ச்சியான ஒத்துழைப்பும் ஊக்கப்படுத்தலுமே எம்மை இவ்வளவு தூரம் அழைத்து வந்திருக்கிறது என்றால் மிகையில்லை. மிக்க நன்றி நண்பர்களே. 

தமிழரையும் தமிழையும் உலக அரங்கில் முக்கியத்துவமிக்க இடத்திற்கு இட்டுச் செல்லும் எமது நோக்கத்தில் இணைந்து பயணிக்க உங்கள் அனைவரையும் அன்போடு அழைக்கிறோம். நமது மொழி, பண்பாடு ஆகியவற்றை பேணிக் காக்கவும் வளர்க்கவும் தமிழராகிய நாம் அனைவரும் ஒற்றுமையுடன் செயற்படுதல் அவசியமாகும். தற்போதைய தமிழர் அரசியல் சொல்லிக்கொள்ளும்படியாக இல்லை. தமிழ்த் தலைமைகள் என்று சொல்லிக்கொல்வோரும் குறிப்பிடும்படியாக எதையும் சாதிக்கவில்லை. எல்லோரும் சுயநல அரசியலிலேயே ஈடுபட்டு வருகின்றனர். ஆகவே அரசியல் ரீதியாகவும் உறுதியான அடிக்கட்டமைப்பை ஏற்படுத்த வேண்டிய கட்டாயத்தில் தமிழர்களாகிய நாம் இருக்கிறோம். அனைத்திற்கும் நாம் துணை நிற்போம். வாருங்கள் ஒன்றிணைந்து பயணிக்கலாம்.

வெல்க தமிழ்!

Friday, April 14, 2017

சித்திரைத் திருநாள் நல்வாழ்த்துக்கள்!

என் இனிய நண்பர்கள், அன்பர்கள், வாசகர்கள் மற்றும் சக தமிழர்கள் அனைவருக்கும் இனிய சித்திரைத் திருநாள் நல்வாழ்த்துக்கள். தமிழர்களின் புத்தாண்டு எது? இந்தக் கேள்விக்கான தீர்க்கமான விடை இன்னும் யாரிடமும் இல்லை. ஆளும் அரசுகளும் தத்தமது கொள்கைகளுக்கேற்ப ஒவ்வொரு நாளை பின்பற்றி வருகின்றன. 

தை யா? சித்திரை யா? தமிழர் புத்தாண்டு எது? நம் தமிழறிஞர்கள் பலர் பலமுறை ஆராய்ந்து தைத்திருநாளே தமிழர் புத்தாண்டு என அறிவித்திருக்கிறார்கள். ஆனாலும் மக்கள் மத்தியில் குழப்பம் நீடித்த வண்ணமே உள்ளது. சித்திரைத் திருநாள் தமிழர்களின் வாழ்வியலோடு ஒன்றிவிட்ட ஒன்றாகவும் மாறிப்போய் இருக்கிறது. தை தான் நமக்கு முதல் மாதம். தமிழில் மாதங்களை சொல்லும் போது தையில் இருந்து தான் ஆரம்பிக்கிறோம். வருடம் முதல் மாதத்தில் இருந்து ஆரம்பிப்பது தானே முறை?

சித்திரையில் நிகழ்வது இராசி மாற்றம். அதாவது சனிப்பெயர்ச்சி போன்ற ஒன்று மட்டுமே. தமிழரின் அடையாளம் விவசாயம். விவசாயிகளின் திருநாளும் தை தான். மேலும் சித்திரை இடைநடுவில் வரும் மாதம். வருடப்ப்பிறப்பு வருடத்தின் நடுப்பகுதியில் நிகழ்வது சாத்தியம் தானா? ஆகவே தைத்திருநாளே தமிழரின் புத்தாண்டு திருநாள் என்று உறுதியாகக் கூறலாம். மேலும் சித்திரைத் திருநாள் வட இந்தியர்களின் வாயிலாக நமது கலாச்சாரத்துக்குள் ஊடுருவிவிட்ட ஒன்று. ஆகவே தைத்திருநாளே தமிழர் திருநாள் ஆகும். 

இறுதியாக நமது பாவேந்தர் பாரதிதாசன் அவர்களின் கவிவரிகள் உங்களுக்காக:

“நித்திரையில் இருக்கும் தமிழா!
சித்திரை இல்லை உனக்குப் புத்தாண்டு
அண்டிப்பிழைக்க வந்த ஆரியக் கூட்டம் கற்பித்ததே
அறிவுக்கொவ்வா அறுபது ஆண்டுகள்
தரணி ஆண்ட தமிழனுக்கு
தை முதல் நாளே தமிழ்ப் புத்தாண்டு!”

-பாவேந்தர் பாரதிதாசன்.

Thursday, April 13, 2017

வாசிப்பை நேசிப்போம்

இக்கட்டுரை இலங்கையின் தேசிய நாளேடான ‘வீரகேசரி’ இல் 24.02.2008 அன்று கதிர் பகுதியின் 04 ஆம் பக்கத்தில் வெளியானது. ‘சிகரம் பாரதி’ என்னும் புனை பெயரில் வெளியானது.

வாசிப்பை நேசிப்போம்

வாசிப்பு ஒரு மனிதனை முழு மனிதனாக்கும். அதிலும் பத்திரிகை வாசித்தல் மனிதனை பல்துறை சார்ந்த அறிவு கொண்டவனாக மாற்றும். இலக்கியம், அரசியல், விளையாட்டு என பல செய்தி வகைகள் பத்திரிகையில் உள்ளன. அத்துடன் நம்முடைய திறமைகளை வெளியிட ஆக்கங்களையும் பிரசுரித்து ஊக்கம் தருகிறது. மேலும் கேள்வி கேட்கும் சுதந்திரம் பத்திரிகைகளிலேயே அதிகம் கிடைக்கிறது.

நூல்கள் எமக்குக் கிடைத்த ஒரு பொக்கிஷமாகும். செதுக்கி வைக்கப்பட்ட கல்வெட்டுக்கள் வைரத்திலும் உயர்வானவை. புத்தகங்களும் அது போன்றவையே. ‘உனக்கு வரம் வர யாரோ இருந்த தவமல்லவா புத்தகம்’ என்கிறார் வைரமுத்து. மேலும் ‘ஒரு நல்ல புத்தகம் திறந்துகொண்டால் நரகத்தின் வாசல் மூடப்படும். ஒவ்வொரு பக்கம் நகரும் போதும் நீ எதிர்காலத்துள் காலடி வைக்கிறாய் – ஒரு புத்தகம் முடிகிறது மனசின் மர்மப் பிரதேசம் விடிகிறது’ என்றும் கூறியிருக்கிறார் வைரமுத்து.

வாசிப்பதற்கும் மலையக மக்களின் முன்னேற்றத்துக்கும் என்ன சம்பந்தம் இருக்கிறது எனக் கேட்கத் தோன்றும். இப்போது மலையக மக்களைப் பற்றிய நூல்களும் பத்திரிகைப் பகுதிகளும் அதிகளவில் வெளிவர ஆரம்பித்துள்ளன. வீரகேசரியின் ஞாயிறு குறிஞ்சிப் பரல்கள் மற்றும் புதன் சூரியகாந்தி வெளியீடு என்பன மலையக மக்களின் குரல்களை அதிகளவில் பிரதிபலித்து வருகின்றன.

பல அரசியல்வாதிகள், சமூக சிந்தனையாளர்கள், மாணவர்கள், தொழிலாளர்கள் மற்றும் கலைஞர்கள் என பலதரப்பட்டவர்களினதும் கருத்துக்கள் பத்திரிகைகளில் வெளியாகிவருகின்றன. அதிலும் மேற்கண்ட துறைகளில் மலையகத்தில் பிரபல்யம் பெற்றவர்களின் கருத்துக்களுக்கு மதிப்பளிக்கப்பட்டு வருகிறது.

சூரியகாந்தி இதழில் சுட்டிக்காட்டப்பட்ட பிறகு மலையகப் பிரதேசங்களில் காணப்பட்ட குறைகள் திருத்தியமைக்கப்பட்டு வருகின்றன. இதன் மூலமே பத்திரிகைகள் மலையக மக்களின் வாழ்வில் எவ்வளவு செல்வாக்கு செலுத்துகின்றன என்பதை அறிய முடியும்.

மலையக மக்கள் பத்திரிகை வாசிக்கும் பழக்கத்தை ஏற்படுத்திக் கொள்வதன் மூலம் தமது பிரச்சினைகளை சர்வதேச அரங்கிற்கு கொண்டு செல்ல முடியும். இதன் மூலம் எமது பிரச்சினைகளை இலகுவாகத் தீர்க்க முடியும்.

ஆனாலும் முதலில் நூலகத்தை அமைப்பதை விட வாசிக்கும் ஆர்வத்தை ஏற்படுத்த வேண்டும். மூன்று, நான்கு பேர் சேர்ந்து பத்திரிகை வாங்கிப் படிக்க வைத்தாவது அந்த ஆர்வத்தை உருவாக்க வேண்டும். மலையக சமூகத்தை முன்னேற்ற இப்போதைக்கு இதுதவிர சிறந்த மாற்றுத் திட்டம் இல்லை.

அரசியல்வாதிகள் இதைச் செய்ய மாட்டார்கள். மக்கள் வாசிக்கும் அறிவைப் பெற்றுவிட்டால் தமது தில்லுமுல்லுகள் பலிக்காது போய்விடும் என்ற பயம் அவர்களுக்கு இருக்கத்தான் செய்யும்.


பாடசாலைக் கல்வியை விட மலையக இளம் சமுதாயத்தினர் மத்தியில் வாசிப்புப் பழக்கத்தை ஏற்படுத்துவதே மிக முக்கியமானது. பாடசாலைக் கல்வியிலும் மலையக மக்கள் முன்னேறி வருகிறார்கள் என்பதையும் பத்திரிகைகள் வாயிலாகத் தானே அறிய முடிகிறது?

Thursday, March 16, 2017

தமிழ் மொழி - இன்றும் - நாளையும்! - 3

வணக்கம் தமிழே! நவீன தொழிநுட்பம் நமக்குத் தந்த வாட்ஸாப்பில் தமிழ் கூறும் நல்லுலகம் என்னும் அருமையான குழு ஒன்றுள்ளது. இங்கு தமிழ் மொழி குறித்து பல விடயங்கள் விரிவாக ஆராயப்படுகின்றன. இவ்வாரம் முதல் நாளொரு தலைப்பில் விவாதித்து வருகிறோம். அந்த வகையில் இன்றைய (05-06-07/03/2017) தலைப்பின் கீழான விவாதத் தொகுப்பின் மூன்றாம் பகுதி உங்களுக்காக இங்கே:

முதலாம் பகுதி:


இரண்டாம் பகுதி:


மூன்றாம் பகுதி : 

சிகரம் பாரதி : தமிழில் கலந்துள்ள பிறமொழி சொற்களை கண்டறிந்து அவற்றை ஆய்வுக்குட்படுத்தி அவசியமானவற்றை பயன்பாட்டுக்கு எடுத்துக்கொள்ள வேண்டும். மழை இயற்கை. எல்லோருக்கும் பொதுவானது. மொழி செயற்கை. நமக்காக நாம் உருவாக்கிக் கொண்டது. அதில் தேவையான மாற்றங்களை உருவாக்குவதில் தவறில்லை.

முனீஸ்வரன் : நானும் ஏற்கிறேன் ஏற்கனவே கலந்த சொற்களை மாற்ற முயற்சிப்பது முடியாது இனி கலக்காமல் தடுக்க முயல்வதே நன்று.

மாற்றம் என்பதை நிறைய பேர் தவறாக நினைக்கிறார்கள். சொல்லுங்க மாற்றம் என்றால் என்ன?

சிகரம் பாரதி : அம்மா என்பது இலகுவானது. ஆகவே மம்மியை நிராகரித்து விடலாம். மேலும் மம்மி எனும் சொல் அறுபது எழுபது ஆண்டுகள் நம்மோடு பயன்பாட்டில் இருந்ததல்ல. பயன்பாட்டில் சொல் இருந்த காலத்தையும் கவனத்திற் கொள்ளலாம்.

ஜெகஜோதி : வளர்ச்சி என்பது வேறு தனித்துவம் எனபது வேறு. தமிழ் தனித்து இயங்கும் தன்மை கொண்டது. புதுப்பித்துக்கும் வழி கொண்டது.

முனீஸ்வரன் :  இன்னும் 20 வருடங்கள் கழித்து மம்மி வழக்கு சொல்லாகிவிட்டால்.?

சிகரம் பாரதி : ஐந்தாம் தமிழ்ச்சங்கம் உருவாக வேண்டும். தமிழை வளப்படுத்த வேண்டும்.

ஜெகஜோதி : நம் தமிழகத்தில் உள்ள கோவில்களில் உள்ள அனைத்து கடவுள்களின் பெயரையும் பாருங்கள். சமஸ்கிருதத்தின் மீது வைத்திருந்த மரியாதையா இல்லை தமிழில் பெயர் இல்லையா ?

கவின்மொழிவர்மன் : சமஸ்கிருதம் தமிழின்  உட்பிரிவாக்கூட இருக்கலாம், பிராமி,தமிழி போல.

சிகரம் பாரதி : மொழி பயன்பாட்டுக்கு கடினமாக இருந்தால் இவ்வாறான அபத்தங்கள் நடைபெறுவதைத் தடுக்க முடியாது.இது. கோவில்களில் மந்திரங்களை தமிழில் ஓதச்செய்ய வேண்டும்

முனீஸ்வரன் :  ம் இல்லை நண்பா, அம்மா ஒன்றும் பயன்பாட்டிற்கு சிரமாக இல்லையே பின் ஏன்?

ஜெகஜோதி : அறியாமை, தாழ்வு மனப்பான்மை,

சிகரம் பாரதி : ஆங்கிலம் பல இடங்களிலும் பயன்பாட்டு மொழியாக இருக்கிறது. அலுவலகம் , பாடசாலை போன்ற இடங்களில். இதைச் சரி செய்தால் இவ்வாறான சொற்களை தமிழில் பயன்படுத்த பழகிவிடுவார்கள்.

முனீஸ்வரன் : பாடதிட்டங்களில் மாற்றம் வேண்டும்

ஜெகஜோதி : திரைத் துறை ஒரு முக்கிய காரணம்.

கவின்மொழிவர்மன் : ஐயா அம்மா என்பதே சீன மொழியில் மம்மா,பப்பா, வேறு மொழிகளில் அம்மே,மாதா, இப்படி பலவற்றில் தமிழோடு இயைந்தே வருகின்றன.

சிகரம் பாரதி : மேலும் பாமர மக்கள் ஆங்கிலக் கல்வியையே விரும்புகின்றனர். காரணம் ஆங்கிலத்தில் கற்றால் தான் வேலை கிடைக்கும் என்ற நிலை.

சக்தி : சமஸ்கிருதம் உட்பிரிவு இல்லை தமிழுக்கு சமமான மொழி

முனீஸ்வரன் : அடிப்படையில் மாற்றம் வேண்டும்

சிகரம் பாரதி : திரைத்துறையை திருத்த ரசிகர்கள் தயாராக இல்லை.

ஜெகஜோதி : ரசிகர்கள் ஏன் திருத்த வேண்டும். நடிப்பது தமிழ் மொழியில் . அவர்கள் தான் திருந்த வேண்டும்.

சங்கி : திரைத்துறையை தாக்குவது ஏன்🤔 அதிலும் தமிழுக்கு முக்கியத்துவம் கொடுத்த எத்தனையோ பேரை நான் நேரில் சந்தித்திருக்கிறேன் தோழா.

கார்த்திகேயன் ரமணி : இல்லை !! திரைப்படம் நிறைய உள்ளன மேற்கோள் காட்ட!! அதே போல் எதிர்ப்பும் இருக்க தான்.....இருக்கு.

சிகரம் பாரதி : அதை நாம் ரசிக்கிறோம். அவர்களைக் கொண்டாடுகிறோம். பின் எப்படி அவர்கள் திருந்துவார்கள்?

சங்கி : அது ஒரு பொழுதுபோக்குத் துறை. அதை கட்டுப்படுத்துவது மிகக்கடினம். அதில் இருக்கும் தமிழ் பற்று உடையவர்களை மக்கள் தான் தூக்கி வைக்க வேண்டும்.  மக்கள் ரசிக்கும்...அதிகமாக செல்லும் படங்கள் தான்... இயக்குனர்கள் தான் வெற்றி பெறுகின்றனர்.

ஜெகஜோதி : இருக்கலாம் தோழி. ஆனால் அவர்களுக்கு பொறுப்பு அதிகம் . நம் ஊர் முதலவர்களை பார்த்தால் உங்களுக்கே புரியும். சில இல்லை இல்லை பல  நடிகர் நடிகைகள் பேட்டி கொடுக்கும் போது பாருங்கள். எனக்கு அப்படியே கோவம் வரும்.

கவின்மொழிவர்மன் : எவ்வளவோ உண்டு எடுத்துரைக்க!
இங்கு  அதை கூறின் பலருண்டு மறுத்துரைக்க!
அதனால் நான் வரவில்லை கருத்துரைக்க,!
எவருளரோ எம் தமிழை பிறவற்றிலிருந்து பிரித்துரைக்க!

பாலகுமரன் : அம்மா வழக்கில் உள்ளது எனவே மம்மி வேண்டாம். ஆனால் குளம்பி வழக்கில் இல்லை எனவே காபி ஏற்போம்.

கவின்மொழிவர்மன் : குளம்பி என்றால் வீட்டுல சேர்த்துக்கமாட்டாங்களா?

ஜெகஜோதி : தனி ஒருவன் திருந்துவது  எளிதா? தனி மனிதர்கள் சேர்ந்ததே சமூகம். தனி ஒருவன் திருந்தினால் வழி வழியாக சமூகம் திருந்தும்.

பாலகுமரன் : வழக்கில் உள்ளதை மாற்றி எல்லோரும் ஏற்கும் படி குளம்பி ஆக்க  முடியுமா?

முனீஸ்வரன் : காபி யை குழம்பியாக ஏற்க நானும் மறுக்கிறேன். ஆனால் இதே நிலை நாளை அம்மாவிற்கும் வந்துவிட கூடாது என்கிறேன்.

சங்கி : சரி தான் தோழா. திரைத் துறை பெரியது.... பரப்பளவு பெரியது. நடிகைகள்..உண்மை  தான். ஆனால் இப்பொழுது...குறும் படங்கள், இணையத்தள ஒளிக்கோப்புகள் (online videos) மிகவும் பிரபலமாகி வருகின்றன...இனி வருவோர் தமிழ் பற்றியும், மொழியை கெடுக்காமலும் நிறைய செய்யலாம். இருப்பதை திருத்துவது கடினம். தமிழ் படத்தில் நடிக்க தமிழ் தெரிந்திருக்க வேண்டும் என திடமான முறை வரும் வரை.

கார்த்திகேயன் ரமணி : பட தயாரிப்பு மற்றும் இயக்குநர் கையாளும் விதத்தில் உள்ளது.

ஜெகஜோதி : துறை பெரியது, உண்மை.  சோறு போடும் மொழிக்கு துரோகம் செய்யும் முன் யோசிக்க வேண்டும்.

சங்கி : நிச்சயம். பல பேர் அறியாத விஷயம். அதுவும் ஓரு மிகப்பெரிய வணிக துறை. கலை துறை என்பது பேச்சுக்கு. சிலர் மட்டும் அந்த நோக்கத்துடன் இருக்கிறார்கள். சிலர் சில சமயம் இருக்கிறார்கள். மற்ற படி முழுமையாக அப்படி இருக்க சாத்தியம் இல்லை.

பாலகுமரன் : தமிழ் நாட்டில் பிறந்தவர்களே சுலபமாக மதிப்பெண்கள் பெற வேண்டுமென தமிழை தேர்வு செய்யாமல் ஒதுக்கிவிடுவது என்ன நியாயம்?

விவாதம் தொடரும்...

Saturday, March 11, 2017

தமிழ் மொழி - இன்றும் - நாளையும்! - 2

வணக்கம் தமிழே! நவீன தொழிநுட்பம் நமக்குத் தந்த வாட்ஸாப்பில் தமிழ் கூறும் நல்லுலகம் என்னும் அருமையான குழு ஒன்றுள்ளது. இங்கு தமிழ் மொழி குறித்து பல விடயங்கள் விரிவாக ஆராயப்படுகின்றன. இவ்வாரம் முதல் நாளொரு தலைப்பில் விவாதித்து வருகிறோம். அந்த வகையில் இன்றைய (05-06-07/03/2017) தலைப்பின் கீழான விவாதத் தொகுப்பின் இரண்டாம் பகுதி உங்களுக்காக இங்கே:
 
முதலாம் பகுதி:
 

இரண்டாம் பகுதி:

ஜெகஜோதி : குண்டு சட்டியில் குதிரை ஓட்ட வேண்டிய நிலையில் தமிழ் இல்லை. உலக அரங்குக்கு அதை எடுத்து செல்வது நம் பணி, நமது அரசின் பணி. தூய தமிழ் மற்றும் எளிய தமிழ் வேண்டும் . ஆனால் பிறமொழி கலந்துதான் தமிழ் மொழி நிலை நிறுத்தப் பட வேண்டுமா?.  உலக மொழிகளுக்கெல்லாம் தாய் எம் மொழி .

பாலகுமரன் : பிறமொழி கலந்து என்று பொதுவாகக் கருதாமல் ஆண்டாண்டு காலமாக எம் தமிழ் மக்களின் நாவில், வாழ்வில் உணர்வில் கலந்து விட்ட சொற்களைப் பாருங்கள்... எம் தமிழர் பேசி பழகிவிட்ட  சொற்களை ஏன் ஏற்றுக் கொள்ளத் தயக்கம்? எம் தமிழர் புரிந்து கொள்ள முடியாத சொல்லை பேசுவானேன் ? மொழியே நம் கருத்தைத் தெளிவாகக் கூறத்தானே... காபி என்பதே எல்லா தமிழருக்கும் புரியும்.. பலருக்கும் புரியாத குளம்பி என குழப்புவானேன்...?

உண்மையில் தொல்காப்பியமும் நன்னூலும் எனக்கு புரியவில்லை.. விதிகளே புரியாததை வைத்துக் கொண்டு எம் தமிழில் அனைத்தும் உண்டென பழம் பெருமை நமக்குள் மட்டும் தான் பேசலாம் .. அதுவும் இக்குழுவில் உள்ளவர் போன்ற சில தமிழ் அன்பர்களிடம் ....

ஜெகஜோதி : இருக்கட்டும் காப்பி போன்ற பெயர் சொற்களுக்கு மாற்று தேவையில்லை அய்யா. ஆனால் இரவு என்று அழகு தமிழ் வார்த்தை இருக்கும் போது ராத்திரி என்றும், உழவு, உழவன் என்று இருக்கும் போது விவசாயி தேவையா?. சரி என்று இருக்கும் போது ஓகே தேவையா? புதிய சொற்கள் தேவை. இருப்பினும் பழைய நற்சொற்கள் மக்களிடம் மீண்டும் வர வேண்டும். இதுவே எனது கருத்து.

பாலகுமரன் : விவசாயி தமிழ் இல்லை என எந்த ஆதாரங்களை வைத்துக் கூறுகிறீர்கள்? அப்படியெனில் தமிழர்களின் வழக்கில் இச்சொல் எப்படி வந்தது? பழந்தமிழ் நூல்களில் நாம் பேசியறியாத சொற்கள் பல உள்ளன. அது போலவே நாம் பேசி வரும் சொற்களும் பழந்தமிழ் நூல்களில் இல்லாமல் இருக்கலாம்.
 
பார்த்திபன் : உழவன் தான் தமிழ்ச்சொல்
 
வெற்றிவேல் : தாடை மயிர் - தாடி - இதற்கு இணையாக பிடரி மயிர் எனப் பயன்படுத்தலாம். ஆனால் மயிர் என்ற அழகான சொல் இன்று அறவறுக்கத்தக்க சொல்லாக மாறிவிட்டதே! 

பார்த்திபன் : Know your English என்று the Hindu வில் ஒரு பகுதி வரும். இதில் கடைசியில் modern day English users எப்படி பேசுகிறார்கள் என்பதும் சேர்ந்தே தான் வரும்.. அது போலவே தற்காலத் தமிழன் பேசி வரும் தமிழும் ஏற்கப்படத் தான் வேண்டும்.

ஜெகஜோதி : விவசாயி தமிழ் வார்த்தை இல்லை. செம்மொழி வழக்கு வாதத்தில் இந்த வார்த்தையை வைத்தே தமிழ் பிற மொழி உதவியோடு இயங்குவது  போல் வாதாடப்பட்டது. நீதிபதி அவர்கள் தமிழில் உழவன் எனும் வார்த்தை இருப்பதாக எடுத்து கூறினார். இது போன்ற ஆபத்து நேரும் என்று தான் பிறமொழி கலப்பு தேவை இல்லை என்று கூறுகிறேன்.
 
முனீஸ்வரன் : அடையாளப்பெயரை தமிழாக்கம் செய்ய தேவையில்லை. அது நன்றாக இருக்காது. ஆனால் பழகிவிட்டோம் என மொழி கலப்பை ஏற்க முடியாது. ஆங்கிலம் மற்ற மொழிகளோடு கலந்ததால் தான் உலகம் முழுவதும் பரவியது என்பது ஏற்புடையதாக தெரியவில்லை. இன்றைய ஆங்கிலத்தை பார்த்தாலே அது எவ்வாறு சிதைக்கப்படுகிறது என்பது புரியும். உதாரணமாக (sister-sis, aunty-ant, brother-bro,) இந்த நிலை தமிழிற்கு வரக்கூடாது என்பதற்காக தான் பிறமொழி கலக்காமல் பேச,எழுத கற்க வேண்டும். அடுத்து என்னை கேட்கலாம் பிறமொழி கலப்பு இல்லாமல் என்னால் பேச முடியுமா என...  உண்மையில் தற்போது என்னால் முடியாது. முயன்று வருகிறேன். 

சிகரம் பாரதி : தமிழுக்கு ஏற்ற சொற்களை தமிழோடு இணைத்துக்கொள்வதில் தவறில்லை என்பது என் கருத்து. மொழியானது நம் எண்ணங்களை வெளிப்படுத்த உதவியாக இருக்க வேண்டுமே தவிர உபத்திரவமாக இருக்கக் கூடாது.

முனீஸ்வரன் : செந்தமிழ் செப்ப வேண்டாம். பைந்தமிழ் பழகலாம். உண்மையில் பைந்தமிழின் பல சொற்கள், மற்ற மொழிகளில் இன்றும் பழக்கத்தில் உள்ளது. உதாரணம்(தெலுங்கு-செப்பு,மலையாளம்-நோக்கு) அவர்கள் வாழ்வியலோடு இந்த வார்த்தைகள் உள்ளது.

நோக்கினாள் நோக்கி இறைஞ்சினாள் அஃதவள்
யாப்பினுள் அட்டிய நீர்.

வள்ளுவன்,கம்பன் தந்த வார்த்தைகள் தான் இவை.

ஆனால் அந்த வார்த்தையை தந்த நாம் அதை வழக்கொழித்துவிட்டோம். இதைப்போல் பழகிவிட்டோம் “மம்மி” என்று. அதனால் அதையும் தமிழாக அங்கீகரிக்க வேண்டும் என்று சொன்னால் ஏற்க முடியுமா?

முனீஸ்வரன் : மொழியை உபத்திரவமாக நாம் எண்ணாத வரை அப்படி இருக்காது. மழை உபத்திரவம் தான் உப்பு விற்பவனுக்கு. அது மழையின் குற்றமல்ல.

சிகரம் பாரதி : தமிழில் கலந்துள்ள பிறமொழி சொற்களை கண்டறிந்து அவற்றை ஆய்வுக்குட்படுத்தி அவசியமானவற்றை பயன்பாட்டுக்கு எடுத்துக்கொள்ள வேண்டும். மழை இயற்கை. எல்லோருக்கும் பொதுவானது. மொழி செயற்கை. நமக்காக நாம் உருவாக்கிக் கொண்டது. அதில் தேவையான மாற்றங்களை உருவாக்குவதில் தவறில்லை.

விவாதம் தொடரும்...

Monday, March 6, 2017

தமிழ் மொழி - இன்றும் - நாளையும்! - 1

வணக்கம் தமிழே! நவீன தொழிநுட்பம் நமக்குத் தந்த வாட்ஸாப்பில் தமிழ் கூறும் நல்லுலகம் என்னும் அருமையான குழு ஒன்றுள்ளது. இங்கு தமிழ் மொழி குறித்து பல விடயங்கள் விரிவாக ஆராயப்படுகின்றன. இவ்வாரம் முதல் நாளொரு தலைப்பில் விவாதித்து வருகிறோம். அந்த வகையில் இன்றைய தலைப்பின் கீழான விவாதத்தின் தொகுப்பு உங்களுக்காக இங்கே:

தமிழ் கூறும் நல்லுலகம் திருவள்ளுவராண்டு 2048 மாசி மாதம் இருபத்தியோராம் நாள் விவாதத்திற்காக வழங்கப்படும் தலைப்பு : தமிழ் மொழி - இன்றும் - நாளையும்!

சிகரம் பாரதி : தமிழ்மொழியின் பழம்பெரும் பெருமைகள் பற்றி இன்று பேச வேண்டாம். தமிழ்மொழி இன்று எதிர்நோக்கும் சிக்கல்கள் மற்றும் அதற்காக எதிர்காலத்தில் நாம் எடுக்கவேண்டிய நடவடிக்கைகள் மற்றும் எதிர்கால மென்பொருள் ஆளப்போகும் உலகில் தமிழின் வளர்ச்சிக்கு நாம் எடுக்கவேண்டிய நடவடிக்கைகள் குறித்து விரிவாக ஆராய்வோம்.



பாலாஜி : 'உலகவழக்கழிந்தொழிந்து சிதையாத' தமிழின் சீரிளமைத் திறன் வியந்து செயல் மறந்து எத்தனைதான் நாம் போற்றி நின்றாலும்,  நமதருமைத் தமிழின் இன்றைய நிலைமையைத் தமிழராகிய நாமன்றி வேறு யார் சிந்திக்க இயலும்?  தமிழின் நிலையும் தரமும் என்றும் குறையாது என்பது உண்மை. எனினும் அத்தகைய பேறு பெற்ற தமிழ் தமிழராகிய நம் ஒவ்வொருவராலும்  எந்த அளவு வளர்க்கப் படுகிறது என்பதை நாம் சிந்திக்க வேண்டும்.  கல்வித் துறையில் தமிழ் எந்த அளவுக்குப் புகட்டப்படுகிறது?  மொழியை இன்னும் சரிவர உச்சரிக்கக் கூட இயலாத அளவில் எத்தனையோ பேரை நாம் காண்கிறோம்! சொற்பிழையும் எழுத்துப் பிழையும் இன்றி நமது மொழியை நாம் பயில வேண்டும். அதற்கு நாமே மனது வைத்தல் வேண்டும். நம்மால் ஆனவரை பிழையற்ற முறையில் எழுதக் கற்போம்;  கற்பிப்போம்!

சிவரஞ்சனி : மிகவும் சரி ஐயா. முயற்சியும் சரியான பயிற்சியும் இருந்தால் அனைத்தும் சாத்தியமே.

சிகரம் பாரதி : ஆட்சி, கல்வி, வேலை என அனைத்திலும் தமிழ் மொழி பயன்பாட்டுக்கு வர வேண்டும். ஆனால் எல்லாவற்றிலும் ஆங்கிலத்தையே நம்மவர்கள் முன்னிறுத்துகிறார்கள்.

ஜெகஜோதி : உண்மை அய்யா. ஒருவரை எப்படி இனம் காண்போம். பெயரை கொண்டல்லவா. ஆனால் இன்று தூய தமிழ் பெயர் குழந்தைகளுக்கு வைக்கப்படுகிறதா?. எதிலும் ஒரு தனித்தன்மை இருக்கும். அது தமிழுக்கு உண்டு. ஆனால் இன்றைய நவீன தமிழர்களுக்கு தனித்தன்மை என்பது சிறிதும் கிடையாது. இதே நிலை தொடர்ந்தால் விரைவில் வீழ்வோம்.

சிகரம் பாரதி : பிள்ளைகளுக்கு தமிழில் பெயர் வைப்பது அவமானம் என்று கருதுகிறார்கள். அல்லது உச்சரிக்கக் கடினமான தமிழ்ப்பெயர்களை எண்கணிதத்திற்காக வைத்துவிட்டு ஆங்கிலப் பெயர்களால் உறவாடுகின்றனர்.

சிவரஞ்சனி : நல்ல தமிழில் பெயர் வைத்தால் கேலி செய்கிறார்கள் 

பாலாஜி : அப்படி சில செயல்கள் சந்தர்ப்ப வசத்தால் நேரலாம். ஆனால் பேசும் பொழுதாவது பிழையின்றிப் பேசக் கற்றால் போதும்

ஜெகஜோதி : அது நம் தவறல்ல. நம்மால் நமது பெயரை வைக்க முடியாது.

சிகரம் பாரதி : அதற்காகவே நாம் அறிமுகப்படுத்தியுள்ள அரிய தயாரிப்பு....
புனை பெயர்....

ஜெகஜோதி : கிருத்துவர்கள் ஆங்கில பெயரையும், இந்துக்கள் சம்ஸ்கிருத பெயரையும், முகமதியர் அரபு பெயரையும் தூக்கி கொண்டு தமிழன் என்றொரு உணர்வை அழித்துக் கொண்டு இருக்கிறோம்.

பாலாஜி : பெயரை விடவும் பெரிய செயல்கள் உள்ளனவே. அவற்றில் கவனம் செலுத்துவோம்.                        

சிகரம் பாரதி : அடிப்படை சரியாக இருக்க வேண்டும். அவ்வளவே.

சிகரம் பாரதி : நம் தமிழ் ஊடகங்களைத் திருத்த வேண்டும். நிகழ்ச்சிகள் என்ற பெயரில் தமிழ்க்கொலை மிக சிறப்பாக நடந்து வருகிறது.

ஜெகஜோதி : என் தமிழினம் இந்த அளவுக்கு சொரணை கெட்டு பிற மொழி கலந்து பேசிக்கொண்டு திரிவதற்கு முதல் காரணம் தமிழ் சினிமா தான்

ஜெகஜோதி : தமிழ் தெரிந்த நபர் ஒருவருடன் தமிழில் உரையாடுவதை விடுத்து ஆங்கிலத்தில் உரையாடுவதே பெருமை என திரையில் காட்டியது. எம் ஜி ஆர் முதல் இன்று உள்ள நாடக தொடர்கள் வரை அப்படித்தான் சித்தரிக்கப்படுகிறது. ஆங்கிலம் கலந்து பேசினாலோ அல்லது ஆங்கிலத்தில் ஒருவன் பேசினாலோ அவனை மெத்த அறிவாளியாக காண்பித்து தாய் மொழியை இழி மொழியாக நினைக்க வைத்ததும் தமிழ் திரை உலகின் அளப்பரிய சாதனை.

பாலகுமரன் : தமிழ் இனி

இன்று காலை ஒரு நண்பர் தாடி தமிழ் இல்லை என்றார். ஆனால் அதற்கு இணையான தமிழ் சொல் என்னவென்று சொல்ல முடியவில்லை. அதனால் தாடி என்பதையே தமிழ் ஆக்கிவிட்டால் என்ன?
தனித் தமிழ் தூயதமிழ் என பழங்கதை பேசிக் கொண்டிராமல் நெடிய பழக்கத்தில் உள்ள சொற்களை தமிழ் என அறிவியுங்கள். பரவிய இடமெல்லாம் பாரம்பரிய அயல் மொழி சொற்களை ஏற்றுக் கொண்ட ஆங்கிலம் இன்று உலகெங்கும் பேசப்படுகிறது. நாம் இன்னும் குண்டு சட்டியில் குதிரை ஓட்டிக் கொண்டிருக்கிறோம். தமிழ் சொல்லகராதியை விரிவுபடுத்துங்கள். தமிழ் இலக்கண விதிகளை  எளிமைப் படுத்துங்கள். பிற மொழி சொற்களை சேர்த்தால் தவறு என்பவர்கள் சற்று யோசியுங்கள்... நாம் பெருமை பேசும் சோழனின் கல்வெட்டுக்களை அனைவராலும் படிக்க முடியுமா? 300_400 ஆண்டுகளுக்கு முன்னே எழுதப்பட்ட தமிழ் பாடலை பதவுரை இல்லாமல் புரிந்து கொள்ளத்தான் முடியுமா? அதுவும் தமிழ் தானே? இப்படியே போனால் 300-400 ஆண்டுகளுக்கு பிறகு தமிழ் இருக்கும். ஆனால்  சொல்லும் பொருளும் எழுத்தும் மாறித் தான் போய் இருக்கும். நாமே அதை விதிப்படி சரியென்றே நெறிப்படுத்தினால் என்ன? உதாணமாக முடி நடை முறை சொல்லாகவும் மயிர் கெட்ட சொல்லாகவும் கூந்தல் வழக்கொழிந்த சொல்லாகவும் மாறித் தான் போய் இருக்கும்.


தூயதமிழ் பேசி தமிழ் பற்றை காட்டாமல் வாழ்க்கை மாற்றத்திற்கு ஏற்ப இப்படி மாறலாம். தமிழில் கையொப்பம் இடுங்கள். சுயகுறிப்புகளில், மாத வரவு செலவு கணக்குகளில், புதுப்புத்தகத்தில் முதல் பக்கத்தில் உங்கள் பெயர், புதுப்பேனாவின் முதல் எழுத்து சோதனைகளில் தமிழ் மட்டுமே பயன் படுத்துவோம்... முக்கியமாக நம் பிள்ளைகளுக்கு mummy Daddy uncle aunty ஆகியன கற்றுத் தராமல் இருப்போம்.

விவாதம் தொடரும்....

Monday, February 27, 2017

தொடர்பு கொள்ளுங்கள்!

வணக்கம். 'சிகரம்' இணையத்தளம் விரைவில் தனது செயற்பாடுகளை ஆரம்பிக்கவுள்ளது. ஆகவே தமிழ் ஆர்வலர்கள் அனைவரும் தங்கள் பங்களிப்பை நல்குமாறு தாழ்மையுடன் கேட்டுக் கொள்கிறோம். 'தேமதுரத் தமிழோசை உலகமெலாம் பரவும் வகை செய்தல் வேண்டும்' என்பதே எமது கொள்கை. ஆகவே உலகம் முழுவதும் தமிழ் மொழியைக் கொண்டு செல்ல வேண்டும் என்பதற்காக உருவாக்கப்பட்ட தளமே 'சிகரம்' ஆகும். இது யாருடையதும் தனிப்பட்ட இணையத்தளமல்ல. மக்களின் பங்களிப்புடன் தமிழ் மொழியை உலகமெல்லாம் கொண்டு செல்லப்போகும் ஒரு ஊடகம். ஆகவே உங்கள் அனைவரினதும் மேலான பங்களிப்பை எதிர்பார்க்கிறோம். பின்வரும் முறைகளில் உங்கள் படைப்புகளை எங்கள் அஞ்சல் பெட்டிக்கு அனுப்பி வையுங்கள். தமிழை வளர்க்க பங்களிப்போம் வாரீர்!

நமது இணையத்தளம்

நமது வலைத்தளம்

பேஸ்புக் பக்கம்

பேஸ்புக் தளம்

டுவிட்டர்

மின்னஞ்சல்

கூகிள் பிளஸ்

யூடியூப் அலைவரிசை

வாட்ஸப்
# விரைவில்

வைபர்
# விரைவில்

இமோ
# விரைவில் 

Saturday, February 25, 2017

சிகரம் - தூரநோக்கு மற்றும் இலட்சிய நோக்கு!

"சிகரம்" கையெழுத்துப் பிரதியாக தனது பயணத்தை மேற்கொண்டிருந்த நேரத்தில் 75 ஆவது பிரதியை வெளியிடும் வேளையில் தூரநோக்கு, இலட்சிய நோக்கு மற்றும் இலக்கு ஆகியன முதன் முதலில் வரையறை செய்யப்பட்டன. 2006 ஆம் ஆண்டு "சிகரம்" கையெழுத்துப் பத்திரிகை தொடங்கிய போதிருந்தே அதனை நிறுவனமாக்கும் கனவையும் கொண்டிருந்தேன். ஆகவே அதற்கான ஒரு படியாக நிறுவனத்தை வழிநடத்திச் செல்லும் கீழ்வரும் வாசகங்கள் உருவாக்கப்பட்டன. கையெழுத்துப் பத்திரிகை வலைத்தளமாகி இன்று https://www.sigaram.co/ என்னும் முகவரியில் ஒரு இணையத்தளமாக பரிணமிக்கும் இவ்வேளையில் இவ்வாசகங்களை நினைவு கூர்வது அவசியம் என்பதால் இங்கே தொகுத்துத் தந்திருக்கிறோம். இவற்றில் காலத்தின் தேவை கருதி சில திருத்தங்கள் 2017.06.01 திகதிக்கு முன்பதாக மேற்கொள்ளப்படும். "சிகரம்" தனது பதினோராவது ஆண்டு நிறைவை ஜூன் மாதத்தில் கொண்டாடும் வேளையில் உலக அரங்கில் தமிழுக்கான தனித்துவமிக்க அடையாளமாக மிளிர்வதற்கான பாதையில் புதிய பரிணாமத்தில் "சிகரம்" பயணிக்கவுள்ளது என்பதையிட்டு பெருமையும் மகிழ்ச்சியும் அடைகிறோம். 

எமது தூர நோக்கு :

சமுதாயத்தின் பொறுப்புமிக்கதும் சமுதாயத்தை தீர்மானிக்கும் வல்லமையுடையதுமான வணிகமாக செயற்படுத்தலும் தமிழையும் தமிழரையும் உலக அரங்கில் முக்கியத்துவமிக்க இடத்திற்கு இட்டுச் செல்லுதலும் எமது தூர நோக்காகும்!

எமது இலட்சிய நோக்கு : 

* உலகின் முதற்தர செய்திச் சேவையாக தொழிற்படல்.

* உலகின் அதி உச்ச இலாபம் உழைக்கும் நிறுவனமாக திகழுதல்.

* சகல செயற்பாடுகளிலும் சரியானவற்றை சரியாகச் செய்து உலகின் உயரிய தரத்தைப் பேணுதல்.

* அனைத்து செயற்பாடுகளும் சகல இன மக்களையும் மையப்படுத்தியதாக அமைதலும் ஒன்றிணைத்து செயற்படுதலும்.

* உலக அளவில் தமிழ் மொழிக்கானதும் தமிழ் மக்களுக்கானதுமான உறுதியான, உயரிய அங்கீகாரத்தைப் பெற்றெடுத்தலும் தமிழ் மக்களுக்கென தனியான, தனித்துவமான சுய முகவரியை வென்றெடுத்தலும். 

* மக்களுக்கான மக்களின் வணிகமாக செயற்படுதல். 

Friday, February 17, 2017

நாளைய தமிழக முதல்வர் யார்?

வணக்கம்! இன்றைய தமிழக அரசியல் சூழலில் #tn_sasikala #TamilnaduRevolution #RIPADMK #Enforce_President_Rule_in_TN #TnsaysNotoSasikala #TNneedsReElection போன்ற குறிச்சொற்கள் (Hashtags) சமூக வலைத்தளங்களில் பிரபலமாகி வருகின்றன. முன்னாள் தமிழக முதல்வர் ஜெயலலிதா உடல்நலக்குறைவு காரணமாக மருத்துவமனையில் அனுமதிக்கப்பட்ட்டது முதல் தமிழகம் தள்ளாடிக்கொண்டுதான் இருக்கிறது. ஜெயலலிதா மீது பல்வேறு குற்றச்சாட்டுக்கள் சுமத்தப்பட்டாலும் தமிழக மக்கள் அவருக்கு தொடர்ச்சியாக இரண்டாவது முறையாகவும் தமிழக முதல்வராகும் வாய்ப்பை அளித்தனர். ஆனால் அந்த வாய்ப்பை முழுமையாக பயன்படுத்திக்கொள்ள முடியாமல் மரணப் படுக்கையில் வீழ்ந்தார் ஜெயலலிதா. அவரது மரணத்தில் பல்வேறு மர்மங்கள் இருப்பதாக கருதப்பட்டாலும் எதிர்த்துக் கேட்பாரில்லை. ஜெயலலிதா அப்போலோ மருத்துவமனையில் அனுமதிக்கப் பட்டிருந்த 75 நாட்களும் என்ன நடந்தது என்பது வெளியுலகுக்கு இன்னமும் தெரியாத வகையில் ரகசியம் பேணப்பட்டு வருகிறது. 

மாண்புமிகு தமிழக முதல்வர் திருமதி சசிகலா நடராஜன் வருகிறார்! பராக்! பராக்!! பராக்!!! - என்று கடந்த சில நாட்களாக மக்கள் பிரதிநிதிகள் கூறிக் கொண்டிருந்தார்கள்.  இப்போது சொத்துக்குவிப்பு வழக்கின் தீர்ப்பு காரணமாக எடப்பாடி பழனிச்சாமியை முன்னிறுத்தியுள்ளனர். நாளை யாரோ என்றுதான் கேட்க வேண்டியிருக்கிறது. சசிகலாவின் முதல்வர் கனவில் ஜெயலலிதாவின் மரணத்தின் மர்மம் அடங்கியிருப்பதாக மக்களால் பேசப்படுகிறது. ஜெயலலிதாவின் மரணத்திற்குப் பின் தன் முதல்வர் கனவிற்கான காய்களை படிப்படியாக நகர்த்தினார் சசிகலா. மக்களுக்கு சந்தேகம் வராமல் இருப்பதற்காக ஜெயாவின் மரணத்திற்குப் பின் உடனடியாக ஓ.பன்னீர்செல்வத்தை முதல்வர் நாட்காலியில் அமர வைத்தார் சசிகலா. பின்னர் அண்ணா திராவிட முன்னேற்றக் கழகத்தின் பொதுச் செயலாளர் பதவியைக் கைப்பற்றினார். தொடர்ந்து முதல்வர் பதவிக்கு வைத்த குறி இப்போது தவறியிருக்கிறது. முதல்வர் ஆசனம் பறிபோனாலும் கட்சியையேனும் தன் முழுக் கட்டுப்பாட்டில் வைத்திருக்க வேண்டும் என்று அதற்கான முயற்சிகளிலீடுபட்டு வருகிறார். 

இந்நிலையில் சசிகலா தனது சொத்துக்குவிப்பு வழக்கு தீர்ப்பு காரணமாக தனக்கு பதிலாக முன்னிறுத்திய எடப்பாடி பழனிச்சாமி சட்டசபையில் நாளை தனது பெரும்பான்மையை நிரூபிக்கவுள்ளார். இதுவரை முதல்வராக இருந்த பன்னீர்செல்வம் பதவியை இழந்துள்ளார். ஆனாலும் பழனிச்சாமியும் தனது பெரும்பான்மையை நிரூபித்தால்தான் முதல்வராக எஞ்சிய ஆட்சிக்காலத்தைத் தொடர முடியும். தமிழ்நாடு பல்வேறு சிக்கல்களுக்கு முகம்கொடுத்து வரும் சூழலில் உறுதியற்ற அரசியல் சூழல் தமிழ்நாட்டை செயல்படாத மாநிலமாக மாற்றியுள்ளது. தமிழ்நாட்டில்தான் முதல்முறையாக ஒன்று வாங்கினால் இரண்டு இலவசம் என்பதாக ஜெயலலிதாவை வெற்றிபெற வைக்க செலுத்திய வாக்கின் மூலம் பன்னீர்செல்வம் மற்றும் பழனிச்சாமி ஆகிய இரு முதல்வர்களைப் பெற்றுள்ளனர். வாழ்க தமிழகம்.

ஜனநாயகம் என்பது மக்களாட்சி. மக்களால் தேர்ந்தெடுக்கப்பட்ட பிரதிநிதிகளின் ஆட்சி. மக்களின் மனமறிந்து நடாத்தப்படுவதுதான் உண்மையான மக்களாட்சியாக இருக்கும். மக்களின் பிரதிநிதிகளால்தான் சட்டங்களும் இயற்றப்படுகின்றன. ஆனால் சட்டங்கள் வாக்களித்த மக்களுக்கு சார்பாக என்றுமே இருந்ததில்லை. மக்களிடம் வாக்குக் கேட்டு பதவிக்கு வரும் மக்கள் பிரதிநிதிகள் பதவி கிடைத்த பின் அதிகாரத்தை தமது சுயநலனுக்காக பயன்படுத்திக் கொள்வதுடன் மக்களுக்காக இயற்றப்பட்ட சட்டங்களையும் தமக்கு சார்பாக மாற்றியமைத்துக் கொள்கின்றனர். அதிகார போதை மிகவும் ஆபத்தானது. கொஞ்சம் கொஞ்சமாய் உள்ளிருந்து கொல்லும் கொடிய விஷம் அது. ஆனால் அந்த விஷத்தை அருந்தவே அரசு அதிகார நாற்காலியில் அமர்பவர்கள் ஆசைப்படுகிறார்கள். அரசாங்கத்தை தமது சொத்துக்களை அதிகரித்துக் கொள்வதற்கான ஒரு கருவியாகவே இன்றைய அரசியல்வாதிகள் பார்க்கிறார்கள். மக்களின் பிரச்சினைகளுக்கு ஆட்சியாளர்கள் முக்கியத்துவம் அளிப்பதில்லை. எந்தப் பிரச்சினையைத் தீர்த்தால் தமது ஆதரவு அதிகரிக்கும் எனக்கணிப்பிட்டு அதன்படியே செயல்படுகிறார்கள். மாற்றத்தை மக்களே ஏற்படுத்த வேண்டும். செய்வீர்களா? செய்வீர்களா??

Monday, February 13, 2017

SIGARAM.CO - சிகரம் இணையத்தளம் உருவாகிறது!

நலம், நலமறிய ஆவல். 'சிகரம்' இணையத்தளம் உதயமாகிறது என்னும் மகிழ்ச்சியான செய்தியை நீங்கள் ஏற்கனவே அறிந்திருப்பீர்கள். அந்த வகையில் 'சிகரம்' இணையத்தளம் விரைவில் மக்கள் பயன்பாட்டுக்கு வரவுள்ளது. வடிவமைப்புப் பணிகள் கடந்த மாதம் (தை 2048) ஆரம்பிக்கப்பட்டுள்ளன. துர்முகி வருடம் திருவள்ளுவராண்டு 2048 மாசி மாதம் நான்காம் நாள் (2017.02.16) அன்று வடிவமைப்புப் பணிகள் நிறைவடைந்து எனது கைகளுக்கு இணையத்தளம் ஒப்படைக்கப்படும். மாசி மாதம் ஏழாம் நாள் (2017.02.19) அன்று உங்கள் பார்வைக்கு 'சிகரம்' இணையத்தளத்தை சமர்ப்பிக்க எண்ணியுள்ளேன். வடிவமைப்புப் பணிகளில் ஏதேனும் தாமதங்கள் நேர்ந்தாலோ அல்லது ஏதேனும் திருத்தங்களை மேற்கொள்ள நேர்ந்தாலோ மாசி மாதம் இருபத்தோராம் நாள் (2017.03.05) உங்கள் பார்வைக்கு 'சிகரம்' இணையத்தளம் சமர்ப்பிக்கப்படும். பதிவுகள் இடப்பட்டு முழுமையான பாவனைக்குரிய தளம் வைகாசி மாதம் பதினெட்டாம் நாள் (2017.06.01) அன்று உங்கள் எண்ணங்களுக்கும் கண்களுக்கும் விருந்தளிக்கக் காத்திருக்கிறது. 'சிகரம்' வலைத்தளத்துக்கு ஆறு ஆண்டுகளுக்கும் மேலாக வாசகர்களாக நீங்கள் நல்கி வரும் பங்களிப்பை தொடர்ந்தும் வலைத்தளத்திலும் இணையத்தளத்திலும் வழங்குவீர்கள் எனத் திடமாக நம்புகிறேன். மேலும் 'சிகரம்' இணையத்தளத்திற்கு வாசகர் என்னும் நிலையைத் தாண்டி எழுத்தாளர்களாகவும் உங்கள் மேலான பங்களிப்பை நல்குமாறு தாழ்மையுடன் கேட்டுக் கொள்கிறேன். 'சிகரம்' இணையத்தளம் 'சிகரம்பாரதி (லெட்சுமணன்)' ஆகிய எனது தனிப்பட்ட தளமல்ல. இது ஒட்டுமொத்த தமிழ்ச் சமூகத்திற்குமானது. இலக்கணம், இலக்கியம், கலை, அறிவியல், பண்பாடு, அரசியல், பொருளாதாரம் என அனைத்தையும் அழகு தமிழில் உங்கள் கரம் சேர்ப்பதே எங்கள் நோக்கம். 



எமது தூரநோக்கு "சமுதாயத்தின் பொறுப்புமிக்கதும் சமுதாயத்தை தீர்மானிக்கும் வல்லமையுடையதுமான வணிகமாக செயற்படுத்தலும் தமிழையும் தமிழரையும் உலக அரங்கில் முக்கியத்துவமிக்க இடத்திற்கு இட்டுச் செல்லுதலும் எமது தூர நோக்காகும்" என 2009 ஆம் ஆண்டு "சிகரம்" கையெழுத்துப் பத்திரிகையின் 75 ஆவது வெளியீட்டில் பிரகடனப் படுத்தப்பட்டது. அந்த அடிப்படையிலேயே இதுவரை செயற்பட்டுவருகிறேன். நீண்டகாலக் கனவான இணையத்தளம் உருவாக்கும் எண்ணமும் இதோ ஈடேறப் போகிறது. இனி முறையான வணிகமாக ஆரம்பித்து "சிகரம்" இன் செயற்பாடுகளை மேலும் விரிவுபடுத்த வேண்டும். இன்னும் இரண்டாண்டுகளில் அதற்கான முயற்சிகள் எடுக்கப்படும். கடந்த பத்து ஆண்டுகளாக "சிகரம்" இன் பல்வேறு வடிவங்களிலான பயணத்திற்கு நீங்கள் வழங்கிய ஒத்துழைப்பை எதிர்காலத்திலும் தொடர்ந்தும் எதிர்பார்க்கிறேன். தமிழ்ச் சமூகத்தின் முன்னேற்றத்திற்காய் அனைவரும் ஒன்றிணைவோமாக!

சிகரம் இன் பயணம் 2003 ஆம் ஆண்டு முதல் ஆரம்பமானது. சிறுசிறு கையெழுத்துப் பத்திரிகைகள் மற்றும் பல முயற்சிகளினூடாக பயணம் தொடங்கப்பட்டது. முழுமையான தேர்ந்த கையெழுத்துப் பத்திரிகையாக 2006 ஆம் ஆண்டிலேயே தோற்றம் பெற்றது. 2006 ஆம் ஆண்டின் தொடக்கத்தில் "சரஸ்வதி" என்னும் இலக்கிய கையெழுத்து சஞ்சிகையை துவக்கினேன். இலக்கியத்தில் எனக்கும் ஆர்வம் இருந்ததால் நாளுக்கு நாள் சஞ்சிகையை மெருகேற்றி வந்தேன். ஆனால் இலக்கிய சஞ்சிகை மாணவர்களிடையே உரிய வரவேற்பைப் பெறவில்லை. ஆகவே சஞ்சிகையின் பாதையை மாற்ற வேண்டிய அவசியம் ஏற்பட்டது. அதனால் 2006.06.01 முதல் "சிகரம்" கையெழுத்துப் பத்திரிகையை பல்சுவை சஞ்சிகையாக துவக்கினேன். அன்று முதல் 2009 ஆம் ஆண்டு ஆகஸ்ட் மாதமளவு வரை 100 இதழ்களை வெளியிட்டேன். வாசகர் பற்றாக்குறை காரணமாக 2009 இல் இடைநிறுத்த வேண்டியேற்பட்டது. அதன் பின் தேசிய நாளேடுகளுக்கும் இலக்கிய சஞ்சிகைகளுக்கும் ஆக்கங்கள் எழுதிக் கொண்டிருந்தேன். பின்னர் வலைத்தளத்தில் காலடி பதித்தேன். இப்போது இணையத்தளத்திலும் கால் பதித்தாயிற்று. இனியென்ன? எல்லாமே வெற்றிதான்!

"சிகரம்" இணையத்தளம் உங்களின் பங்களிப்புடன்தான் முன்னேறப் போகிறது. 'சிகரம் பாரதி' ஆகிய எனது படைப்புகளில் "சிகரம்" இணையத்தளத்துக்குப் பொருத்தமானவை மட்டும் இணையத்தில் வெளியாகும். மற்றவை வலைத்தளத்தில் மட்டும் வெளியாகும். உங்கள் வலைத்தளங்களில் வெளியிடும் பதிப்புகளையும் எமது இணையத்தளத்தில் வெளியிடலாம். கடந்தகாலப் படைப்புகளும் ஏற்றுக்கொள்ளப்படும். அனைத்தும் உங்கள் சொந்தப் படைப்பாக இருந்தால் போதுமானது. இரு கை இணைந்தால் தான் ஓசை. வாசகர்களாகிய உங்களுடன் சேர்ந்து செய்தால் தான் அது சேவை. இணையத்தில் தமிழ்த் தொண்டு செய்ய விரும்பும் அனைவரும் எம்மோடு கைகோர்க்கலாம். தமிழ் மொழி எங்கள் மூச்சு. அதைக் காப்பதே எங்கள் நோக்கு!

உங்கள் படைப்புகளை அனுப்ப மற்றும் இதர தொடர்புகளுக்கு sigaramco@gmail.com என்னும் மின்னஞ்சல் முகவரியை அல்லது SIGARAM CO என்னும் கூகிள் பிளஸ் சமூக வலைத்தளத்தை பயன்படுத்தலாம். வாட்ஸப் போன்ற செயலிகளினூடாகவும் உங்கள் படைப்புகளைப் பகிர்ந்துகொள்ளும் வழிமுறைகள் எதிர்காலத்தில் உருவாக்கப்படும். பேஸ்புக் மற்றும் டுவிட்டர் சங்கங்களிலும் இணைந்துகொள்ளவுள்ளோம். இவ்வளவு ஏன் பிளாக்கரில் கூட கால் பதிக்கிறது நம் சிகரம்! தமிழால் இணைவோம்! தமிழுக்காய் இணைவோம்! தமிழை வளர்ப்போம்! தமிழைக் காப்போம்! வாழ்க தமிழ்! வெல்க தமிழ்!

தொடர்புகளுக்கு :-

இணையத்தளம்    : https://sigaram.co/
மின்னஞ்சல்             : sigaramco@gmail.com
பிளாக்கர்                 : http://sigaramco.blogspot.com/
கூகிள் பிளஸ்          : https://plus.google.com/u/0/105797588665610856560
டுவிட்டர்                   : @sigaramco
பேஸ்புக்                   : sigaramco

Thursday, February 9, 2017

ஏறு தழுவும் உரிமை மீட்க வெகுண்டெழுந்தான் செல்லினத்தமிழன்! - 03

வணக்கம். ஏறு தழுவும் உரிமை மீட்க தொடங்கிய இளைஞர்களின் தன்னெழுச்சியான போராட்டம் உரிய வெற்றியைப் பெற்றுள்ளது. ஜல்லிக்கட்டு தமிழக அரசு சட்டம் அரசிதழில் வெளியிடப்பட்டு நிரந்தர சட்டமாக்கப்பட்டுள்ளது. மதுரை அவனியாபுரம், நாமக்கல் மாவட்டம் பொட்டிரெட்டிப்பட்டி உள்ளிட்ட இடங்களில் ( பிப் 05 - 2017 ) மிகக் கோலாகலமாக, மிக வெற்றிகரமாக இளைஞர்களுக்கு நன்றி கூறி நடாத்தி முடிக்கப் பட்டுள்ளது. மேலும் பாலமேடு மற்றும் உலகப் புகழ் பெற்ற அலங்காநல்லூர் ஆகிய இடங்களில் இவ்வாரம் ( பிப் 09, 10 - 2017 ) ஏறு தழுவும் விளையாட்டு இடம்பெறவுள்ளது. எந்தக்காலத்திலும் ஏறு தழுவும் விளையாட்டு நடாத்தப்படும் நேரத்தில் தமிழக இளைஞர்கள், பொதுமக்கள் மற்றும் உலகத் தமிழர்களின் பங்களிப்பை யாரும் மறந்துவிட முடியாது. ஜல்லிக்கட்டு அமைப்போ அல்லது தமிழக அரசோ ஜல்லிக்கட்டு நிரந்தர சட்டம் என்னும் இவ்வெற்றிக்கு உரிமை கோர முடியாது. தமிழக அரசு மக்களின் எண்ணத்தை நிறைவேற்றிய கருவி மட்டுமே. இளைஞர்களின் எழுச்சிக்கு தலைவணங்குகிறேன்!

 

ஏறு தழுவும் உரிமை மீட்க இலட்சக்கணக்கில் திரண்ட இளைஞர் கூட்டத்தைப் பார்த்து உலகமே வியந்து போனது. பயன் தருமா என்ற ஐயம் இருந்தாலும் உலகம் முழுவதும் பரந்து வாழும் தமிழர்கள் தமிழகத்தில் நிகழ்ந்த எழுச்சியினால் உந்தப்பட்டு தத்தம் வாழிடங்களில் தொடர் போராட்டங்களை நடாத்தி உலகின் கவனத்தை ஏறு தழுவுதலின் பக்கம் ஈர்க்க ஆதரவளித்தனர். ஆனால் தமிழக அரசு ஏறு தழுவும் உரிமை மீட்க நடந்த தொடர் போராட்டத்தை நிறைவு செய்ய நடவடிக்கை எடுத்தவிதம் அனைவரையும் தமிழக அரசின் மீது அதிருப்திகொள்ள வைத்தது. ஏழு நாட்கள் தொடர்ந்த அறவழிப் போராட்டத்தில் இறுதிநாளில் தமிழகக் காவல்துறை நடந்துகொண்டவிதம் பல்வேறு விமர்சனங்களை ஏற்படுத்தியுள்ளது. முதலில் ஜல்லிக்கட்டு அவசர சட்டம் கோரிய போராட்டக்காரர்கள் தமிழக அரசின் மந்தப் போக்கினால் நிரந்தர சட்டமே இறுதித் தீர்வு எனக் கோரிக்கை விடுத்தனர். போராட்டத்தின் ஏழாம் நாள் மாலையில் நிரந்தர சட்டம் தமிழக சட்ட சபையில் நிறைவேற்றப்படவிருந்த நிலையில் போராட்டத்தை அதன் போக்கிலேயே விட்டிருந்தால் சட்டம் நிறைவேற்றப்பட்ட சிலமணி நேரங்களில் மாணவர்கள் தாங்களாகக் கலைந்து போயிருப்பார்கள். ஆனால் தமிழகக் காவல்துறை வலுக்கட்டாயமாக போராட்டத்தை முடிவுக்குக் கொண்டுவரத் தீர்மானித்து வன்முறையைக் கட்டவிழ்த்துவிட்டு அந்தப் பழியை மாணவர்கள் மீது சுமத்தி தீராத களங்கத்தைத் தேடிக் கொண்டது. 

ஜல்லிக்கட்டு அவசரச் சட்டம் நிறைவேற்றப்பட்ட பின்னர் தமிழக முதலமைச்சரும் அமைச்சர்களும் அவசர அவசரமாக போட்டியை நடாத்தி மக்கள் போராட்டத்தின் வெற்றியை தமதாக்கிக் கொள்ளத் துடித்தனர். ஆனால் மக்கள் முதலமைச்சரையே அவர் போட்டியைத் துவங்கி வைக்கத் திட்டமிட்டிருந்த மதுரை அலங்காநல்லூருக்கு வர விடாமல் தடுத்து நிறுத்தினர். தமது கோரிக்கையில் இறுதிவரை மக்கள் உறுதியாக இருந்தனர். ஏறு தழுவும் உரிமை மீட்க கிராமத்து விவசாயிகளுக்காக கிளர்ந்தெழுந்ததில் இருந்து தான் எப்போதும் கைப்பேசியின் அடிமை அல்ல என்றும் சமூக உணர்வு தனக்கும் உண்டு எனவும் இக்கால இளைஞன் நிரூபித்திருக்கிறான். மேலும் இலட்சக்கணக்கான மாணவர்களை நவீன கைப்பேசிகளே ஒன்றிணைத்தன என்பதையும் நாம் நினைவில் கொள்ள வேண்டும். இளைஞர்கள் தம் கைப்பேசிகள் மூலம் மாணவர்களை ஒன்றிணைத்து மக்களின் அக இருளையும், மெரீனா கடற்கரை இருளில் மூழ்கிய போது மெரீனாவுக்கே ஒளியை வழங்கி புற இருளையும் போக்கி உலகையே தம் பக்கம் திரும்பிப் பார்க்க வைத்தனர். போராட்டத்தின் இடையில் காவேரி பிரச்சினை, மீத்தேன் வாயு, மீனவர் பிரச்சினை மற்றும் அந்நிய குளிர்பான விற்பனை என சமகாலப் பிரச்சினைகள் பலவற்றுக்கும் குரல் கொடுத்து அனைத்துத் தரப்பு மக்களையும் மாணவர்கள் ஈர்த்தனர், 


எல்லாவற்றுக்கும் மேலாக டெல்லியில் உள்ள பெண்கள் கூட தமிழக ஆண் மாணவர்கள் பெண்களிடம் கண்ணியமாக நடந்துகொண்டது குறித்து பெருமை கொள்ளும் அளவிற்கு கட்டுக்கோப்பாக நடந்துகொண்டனர். ஒரு தலைவன் இல்லாமல் இலட்சக்கணக்கில் ஒரு கூட்டம் கூட முடியும் என்பதையும் அத்தனை பேரும் ஒரே கோரிக்கைக்காய் ஓரணியில் திரள முடியும் என்பதையும் ஏழு நாட்களாக மனவுறுதியுடன் இறுதிவரை ஒன்றிணைந்து பயணிக்க முடியும்  என்பதையும் தமிழர்கள் உலகுக்கு பறைசாற்றியிருக்கிறார்கள். தமிழன் என்று சொல்லடா தலை நிமிர்ந்து நில்லடா என்று தைரியமாக இப்போராட்டத்தின் பின்னர் எவ்வித மன உறுத்தலும் இன்றி நம்மால் சொல்லிக்கொள்ள முடிகிறதென்றால் எல்லாப் புகழும் களமிறங்கிப் போராடிய ஒவ்வொரு மாணவனுக்கும் பொதுமகனுக்கும் மட்டுமே உரித்தாகும். ஏறு தழுவும் உரிமை மீட்ட போராட்டம் இந்த நூற்றாண்டு கண்ட நவீன சுதந்திரப் போராட்டம்!

Sunday, February 5, 2017

தமிழ் ராக்கர்ஸ் மற்றும் தமிழ்த் திரைப்பட ரசிகர்களும்!

அண்மையில் தயாரிப்பாளர் ஞானவேல்ராஜா நிகழ்வொன்றில் தமிழ் ராக்கர்ஸ் இணையத்தளத்தை கடுமையான வார்த்தைப் பிரயோகங்களால் சாடியிருந்தார். நடிகர்கள், இயக்குனர்கள் என பலரும் ஒரு குழுவாக இணைந்து திரைப்படத்தை உருவாக்கினால் தமிழ் ராக்கர்ஸ் அதை இணையத்தில் வெளியிட்டு இன்புறுகிறார்கள். அவர்களை இன்னும் ஆறு மாதத்தில் கண்டுபிடித்து அழிப்பேன் என சூளுரைத்தார். இன்று தொழிநுட்பம் வளர்ந்துள்ள இக்காலத்தில் பல்வேறு தொழிநுட்பங்களினால் உருவாக்கப்பட்ட திரைப்படங்களும் திரையரங்குகளும் மக்களுக்கு புது அனுபவத்தை வழங்கி வரும் நிலையில் மக்கள் இறுவட்டுக்களையும் தமிழ் ராக்கர்ஸ் போன்ற இணையத்தளங்களையும் நாடிச் செல்வது ஏன்? இதற்கான காரணத்தைக் கண்டறிந்து அதனைச் சரி செய்யாமல் இணையத்தளங்களைக் குறை கூறுவது நியாயமில்லை. 


காரணம் திரையரங்கக் கட்டணங்கள் மிக அதிகமாக உள்ளன. சாமானியன் நெருங்கக் கூடிய இடத்தில் திரையரங்குகள் இல்லை. ஆக இறுவட்டுக்களும் இவ்வாறான இணையத்தளங்களுமே மக்களின் திரைப்படப் பொழுதுபோக்கிற்கு தீனி போடுகின்றன. வாழ்க தமிழ் ராக்கர்ஸ்! இவர்களின் கொட்டம் அடக்கப்பட வேண்டும். திரைத்துறை ஏழை எளிய மக்களுக்கானதாக்கப்பட வேண்டும். தயாரிப்பாளர்கள் கோடிகளைக் கொட்டி திரைப்படங்களை எடுக்கிறார்கள். அந்தத் திரைப்படங்கள் ஆயிரக்கணக்கான திரையரங்குகளில் வெளியிடப்படுகின்றன. திரைப்படங்களைப் பார்க்க குடும்பத்தோடு திரையரங்குகளுக்கு சென்றால் ஒருவன் தனது மாத சம்பளத்தில் பல ஆயிரங்களை வாரி இறைக்க வேண்டியுள்ளது. திரையரங்க உணவகங்களில் உணவுப் பொருட்களின் விலைகள் மலைக்க வைக்கின்றன. சாதாரண விலையை விட இருமடங்கிற்கும் மேல். தமது பல நாள் உழைப்பை ஒரு நாளில் வீணடித்துத்தான் இந்த ஞானவேல்ராஜாக்களின் தயாரிப்புக்களை மக்கள் ரசிக்க வேண்டியுள்ளது. 


மக்கள் இறுவட்டுக்களிலும் இணையத்தளங்களிலும் திரைப்படங்களைப் பார்க்கக் கூடாது என்றும் திரையரங்குகளில்தான் ரசிக்க வேண்டும் எனவும் வேண்டுகோள் விடுக்கும் தயாரிப்பாளர்களும் நடிகர்களும் இன்ன பிறரும் திரையரங்கக் கட்டணங்கள் குறித்து கவனம் செலுத்த மறுப்பதேன்? தயாரிப்பாளர்களுக்கு லாபம் லகரங்களில் வந்தால் சரி. மக்கள் எக்கேடு கெட்டால் எனக்கென்ன என்று போய்விடுவீர்கள். வணிக நோக்கங்களை நிறைவேற்றிக் கொள்வதற்காக மக்களுக்கு தேவையில்லாத கலாச்சாரங்களை அறிமுகப்படுத்துவீர்கள். திரைத்துறையில் அலுப்புத் தட்டினால் அரசியலுக்கு வந்து எங்களையே ஆள்வீர்கள். ஆனால் திரையரங்குகள் குறித்து உங்களுக்கு எந்தக் கவலையும் இல்லை. போங்கடா நீங்களும் உங்க நியாயமும்... 


மக்கள் எதற்கெடுத்தாலும் நடிகர்களையே குறை சொல்கிறார்களாம். ஒரு பொது நிகழ்ச்சிக்கு வழக்கறிஞரோ மருத்துவரோ வராவிட்டால் கேட்பதில்லையாம். நடிகர்கள் வராவிட்டால் கேள்வி கேட்கிறார்களாம். கேட்கத்தானே செய்வோம்? உங்களைத்தானே தமிழர்கள் தெய்வமாக வழிபடுகிறார்கள்? ரஜினி என்றால் உயிரையும் கொடுப்பவன் உங்கள் ரசிகன் தானே? நீங்கள் உருவாக்கும் திரைப்படத்துக்கு தன் சொந்த செலவில் விளம்பரம் தேடிக்கொடுக்கும் எத்தனையோ பேர் இருக்கிறார்களே? தன் வீட்டுப் பிள்ளைக்கு பால் இல்லாவிட்டாலும் உங்களை பாலால் அபிஷேகம் செய்வானே? நீங்கள் தேர்தலில் நின்றால் உங்களை முதல்வராகவும் ஆக்குவானே? வழக்கறிஞருக்கும் மருத்துவருக்கும் யாரேனும் இப்படிச் செய்ததுண்டா? இவ்வளவும் செய்துவிட்டு தனக்கு பொதுவெளியில் ஒரு பிரச்சினை என்றால் நீங்கள் வராத போது உங்களை கேள்வி கேட்டுத்தானே ஆகவேண்டும்? ரசிகர்களால் கோடீஸ்வரன் ஆன நீங்கள் ரசிகர்களுக்குக் கட்டுப்பட்டு இருப்பதுதான் நியாயம், தர்மம் எல்லாம். 


இறுதியாக தயாரிப்பாளர்களும் நடிகர்களும் திரைப்படம் என்னும் கலையை ஏழை எளியவர்களும் கண்டு ரசிக்கக் கூடியதாக ஆக்க முயற்சி எடுக்காதவரை தமிழ் ராக்கர்ஸ் போன்ற இணையத்தளங்களுக்கும் இறுவட்டுக்களுக்கும் மக்கள் மத்தியில் என்றுமே பேராதரவு இருந்துகொண்டே தான் இருக்கும். மேலும் மக்களால் முன்னேறும் நீங்களும் மக்கள் பிரதிநிதிகளுக்குரிய கடப்பாடுகளோடு நடந்துகொள்ள வேண்டியதும் மிகமிக அவசியம். வாழ்க தமிழ் ராக்கர்ஸ்!

Saturday, February 4, 2017

இலங்கையின் 69வது சுதந்திர தினம்

இன்று (பிப்ரவரி 04 ) இலங்கை தேசத்திற்கு சுதந்திர தினமாம். 'நா இங்க இல்ல' என்ற வடிவேலு பாணியில் 'நா அடிமையா இல்ல' என்று வருடா வருடம் நம் நாட்டு மக்களைக் கூப்பிட்டு அறிவிக்கும் நாள். இன்றைய சுதந்திர தினக் கொண்டாட்டங்கள் அனைத்தும் கோலாகலமாக இடம்பெற்று முடிந்தன. 1948 இல் ஆங்கிலேயர் விட்டுச் சென்றதை விட மோசமான நிலையிலேயே இன்று நம் நாடு உள்ளது. பொருளாதாரம், அரசியல் மற்றும்  கல்வி போன்ற அனைத்திலுமே பின்தங்கிய நிலையிலேயே உள்ளோம். ஆங்கிலேயரிடமிருந்து சுதந்திரம் கிடைக்காமலே இருந்திருக்கலாம் என்ற கருத்தும் இன்று நம்மில் பலரிடையே உள்ளது. ஆங்கிலேயர் சென்ற பின்புதான் இனவெறி, அரசியல் பகைமைகள் மற்றும் ஊழல்கள் ஆகியவை பல்கிப் பெருகி மக்களின் வாழ்க்கையைச் சிதைத்தன. ஆங்கிலேயரின் அரசியலமைப்பில் தமிழர்களுக்கு பல்வேறு உரிமைகள் வழங்கப்பட்டிருந்தமை குறிப்பிடத்தக்கதாகும். 




ஆனால் சிங்களவர்களின் கையில் ஆட்சி ஒப்படைக்கப்பட்ட பின்னர் தமிழர்களை அழித்தொழிக்க பல்வேறு நடவடிக்கைகள் மேற்கொள்ளப்பட்டன. உதாரணமாக சுதந்திரம் பெற்ற கையோடு தனிச்சிங்கள சட்டம் அமுல்படுத்தப்பட்டமையைக் குறிப்பிடலாம். இன்று இலங்கையில் என்னதான் சமாதான சூழல் நிலவினாலும் இனத்துவேஷம் நீறு பூத்த நெருப்பாகவே உள்ளது. சர்வதேச நாடுகளின் அழுத்தத்தின் காரணமாக தமிழர்களோடு இணக்கமான போக்கைக் கடைப்பிடிப்பதைப் போன்ற தோற்றத்தை உருவாக்கவே இலங்கை அரசு முயன்று வருகிறது. மீண்டும் ஆங்கிலேயர் கைகளிலேயே ஆட்சியை ஒப்படைத்தால் கூட பரவாயில்லை என்றே தோன்றுகிறது. 

தற்போதைய ஆட்சியாளர்கள் இலங்கையை சீனாவுக்கு கூறு போட்டு விற்கும் பணியில் மும்முரமாக ஈடுபட்டுள்ளனர். மகிந்த ராஜபக்ஷ ஆட்சியில் ஆரம்பித்த இந்த மகத்தான பணி மைத்திரிபால சிறிசேன காலத்திலும் எவ்வித தடையுமின்றி வெற்றிகரமாக முன்னெடுக்கப்பட்டு வருகிறது. வீதி அபிவிருத்தியா, கட்டிட நிர்மாணமா அல்லது துறைமுக அபிவிருத்தியா அது எதுவாக இருந்தாலும் உடனே சீனாவுக்கு 99 வருட குத்தகைக்கு கொடுத்துவிடுகிறார்கள். இன்னும் சில வருடங்களில் சீனர்களுக்கு இலங்கையில் வாக்குரிமையும் நாடாளுமன்ற பிரதிநிதித்துவமும் வழங்கப்பட்டாலும் ஆச்சரியப்படுவதற்கில்லை. காரணம் சீனாவின் அபிவிருத்தித் திட்டங்களில் பணியாற்ற சீனாவிலிருந்து ஊழியப் படையும் அழைத்துவரப்படுகிறது. ஆங்கிலேயர்கள் யுத்தம் புரிந்து நாட்டைக் கைப்பற்றினார்கள். ஆனால் இலங்கை தானாக மனமுவந்து சீனாவின் காலடியில் நாட்டை வழங்கத் தயாராகிக் கொண்டிருக்கிறது. 

மலையகத் தமிழர்கள், யாழ் தமிழர்கள், முஸ்லிம்கள் என மூன்று சிறுபான்மையின மக்கள் இலங்கையில் உள்ளனர். பெரும்பான்மையாக உள்ள சிங்களவர்கள் சிறுபான்மையினரை நாட்டை விட்டு விரட்டிவிட்டு இலங்கையை தமக்கு மட்டும் உரியதாக்கிக் கொள்ள நீண்ட காலமாக முயற்சித்து வருகின்றனர். ஆனால் அது முடியவில்லை. ஆங்கிலேயர் விட்டுச் சென்ற இடத்தில் இருந்து ஆட்சியைத் தொடர்ந்திருந்தால் இலங்கையை சிங்கப்பூரை விடவும் அழகிய நாடாக மாற்றியிருக்கலாம். ஆனால் தமிழர்களையும் முஸ்லிம்களையும் அழிப்பதிலேயே இலங்கையின் அரசாங்கங்கள் தனது 69 வருடங்களையும் செலவிட்டுவிட்டன. ஆதலால் கால மாற்றம் தானாகவே நிகழ்த்திக்கொண்ட அபிவிருத்தி தவிர வேறெந்த முன்னேற்றங்களும் இந்நாட்டில் நிகழவில்லை. இனி வரும் காலம் இன, மத பேதங்களற்ற ஒரு இலங்கை முன்னேற்றப் பாதையை நோக்கி நகரும் என நம்பியிருக்கலாம். எது எப்படியோ என் இலங்கை தேசத்திற்கு அறுபத்தொன்பதாவது இனிய சுதந்திர தின நல்வாழ்த்துக்கள்!
Related Posts Plugin for WordPress, Blogger...

கருத்து கந்தசாமி முகப்பலகை

பிடிச்சிருந்தா பகிரலாமே?