குடிச்சுப் பாருங்க!

ஒரு தொண்டு நிறுவனம் தொடர் மதுவிலக்கு பிரசாரம் செய்ய முடிவு செய்தது. மதுப் பிரியர்கள் அதிகம் உள்ள பகுதி அது. கூட்டம் ஆரம்பித்தது.

"அன்பானவர்களே... இந்தக் குடிப் பழக்கம் இருக்கிறதே... அதை விட மோசமானது வேறு ஒன்றும் இல்லை... குடி குடியைக் கெடுக்கும்..."

அவ்வளவு தான். கூட்டத்தில் சலசலப்பு.

"யோவ் உக்கார்றியா? மண்டைல போடவா?" என்று ஆளாளுக்கு சத்தம் போட ஆரம்பித்து விட்டார்கள்.


முதலில் பேசியவர் தொங்கிய முகத்துடன் இருக்கையில் அமர்ந்தார். அடுத்தவர் வந்தார். மைக்குக்கு முன்னால் இருந்த சோடா பாட்டிலைப் (Bottle) பார்த்தார்.

"இதை யாரு இங்க வச்சது? யாராவது ஒரு குவாட்டர் பாட்டில் (Bottle) இருந்தா எடுத்து வந்து வைங்களேன்..."

கூட்டம் மகிழ்ச்சியோடு ஆரவாரம் செய்தது.

"சின்ன வயசுல எங்கப்பா படி, படின்னு எவ்வளவோ சொல்லிப் பாத்தாரு. நான் கேக்கலையே, பத்தாவது பெயிலு... அதுனால என்ன குறைஞ்சா போயிட்டேன்?"

"அப்படிப் போடு!" கூட்டத்தில் ஒரு குரல்.

"என்ன... வேலை கிடைக்கல. போயிட்டுப் போகுது. சொத்தையெல்லாம் வித்துக் குடிச்சேன்...." கூட்டத்தில் அமைதி.

"என் பொண்டாட்டி கோவிச்சுக்கிட்டுப் போயிட்டா. போறா கழுதை!"

கவனமாகக் கேட்க ஆரம்பித்தார்கள்.

"இப்போ குடிச்சு குடிச்சு குடல் வெந்து போச்சு. டாக்டர் சீக்கிரமே செத்துப் போயிடுவேன்னு சொல்றாரு. உயிரு தானே, போயிட்டுப் போகுது!"

அந்தப் பகுதியில் மது விலக்குப் பிரசாரம் வெற்றிகரமாக நடந்தது.

நன்றி: உதய சூரியன் வார வெளியீடு (இலங்கை)
              2012.06.14, பக்கம் - 11.

Comments

  1. என்னை யோசிக்க வைத்ததற்கு நன்றி. ஆனால், இதை எல்லோரையும் வாசிக்க வைக்க வேண்டும். அதில் தான் உங்கள் முயற்சி கைகூடும். திருடனாய்ப் பார்த்து திருந்தாவிட்டால் திருட்டை ஒழிக்க முடியாது...... குடிகாரனாய்ப் பார்த்து திருந்தாவிட்டால் குடியை ஒழிக்க முடியாது.

    ReplyDelete
    Replies
    1. சரியாகச் சொன்னீர்கள் தோழரே. தங்கள் வருகைக்கும் கருத்துக்கும் மிக்க நன்றி தோழரே. மீண்டும் சந்திப்போம்.

      Delete
  2. நல்ல பதிவு. குடிப்பதை சமூக அடையாளமாக எண்ணும் பலர் படிக்க வேண்டிய பதிவு.

    ReplyDelete
    Replies
    1. வருகைக்கும் கருத்துக்களுக்கும் நன்றி உள்ளமே. இதனை எல்லோரும் உணர்ந்து கொள்ள வேண்டுமே என்பதே என் ஆதங்கம். தங்களின் பின் தொடர்கைக்கும் நன்றிகள். சந்திப்போம் உள்ளமே.

      Delete

Post a Comment

உங்கள் கருத்துகள் தான் எங்களுக்கான கைதட்டல்கள். பதிவைப் பற்றிய எண்ணங்களை தயங்காமல் பகிர்ந்து கொள்ளுங்கள். உங்கள் விமர்சனங்களை வரவேற்கிறோம்.

சிகரம்

Popular posts from this blog

உங்கள் மனம் கவர்ந்த பிக்பாஸ் போட்டியாளர் யார்? Who is your favourite Bigg Boss Contestant?

பத்தி எழுத்து என்றால் என்ன? | கட்டுரை | வல்லினம் | ஸ்ரீதர் ரங்கராஜ்

சிக்கலில் சிக்கிய பிக் பாஸ்? இரண்டாம் வாரத்துடன் இடைநிறுத்தம்?

உலக டெஸ்ட் சாம்பியன்ஷிப் 2019-21 | இருபது-20 கிரிக்கெட் | சிகரம் ஆடுகளம்

பிக் பாஸ் தமிழ் - பருவம் 02 - ஜூன் மாதம் ஆரம்பம்!

ஐ.பி.எல் ஆட்ட விவரங்கள் | புள்ளிப் பட்டியல் IPL 2018 SCHEDULE & RESULTS #IPL2018 - WEEK 01

Bigg Boss Tamil Vote (Online Voting) Season 02 | Public Opinion Poll | Week 13 Voting | Google Vote

பிக் பாஸ் தமிழ் - 02 எப்படி அமையும்?

ஐ.பி.எல் கிரிக்கெட் திருவிழா - 2018 ஏப்.07 இல் ஆரம்பம்! #IPL2018

பிக்பாஸ் உத்தியோக பூர்வ அறிவிப்பு மே 26 ஆம் திகதி!